శ్రీవారి దర్శనానికి 20 గంటలు

తిరుమలలో భక్తుల రద్దీ భారీగా పెరిగింది. శ్రీవారి సర్వదర్శనానికి 20 గంటల వరకు సమయం పడుతోంది. వైకుంఠం క్యూ కాంప్లెక్స్‌లోని కంపార్టుమెంట్లన్నీ భక్తులతో నిండిపోయాయి. వెలుపల క్యూ లైన్లలో కూడా భక్తులు దర్శనం కోసం ఎదురు చూస్తున్నారు. నిన్న శ్రీవారిని 77,486 మంది భక్తులు దర్శించుకున్నారు. మరో 38,980మంది భక్తులు తలనీలాలు సమర్పించారు. మంగళవారం వెంకన్న హుండీ ఆదాయం రూ.3.77 కోట్లు వచ్చినట్లు అధికారులు తెలిపారు.