శ్రీవారి దర్శనానికి 36 గంటలు

తిరుమలలో శ్రీవారి దర్శనానికి భక్తులు పొటెత్తుతున్నారు. వేసవి సెలవులు కావడంతో భక్తులు పెద్ద సంఖ్యలో తిరుమలకు వస్తున్నారు. స్వామివారి దర్శనానికి 36 గంటలకు పైగా సమయం పడుతోంది. వైకుంఠం క్యూకాంప్లెక్స్‌, నారాయణగిరి షెడ్లు నిండిపోయి రింగ్‌రోడ్డులోని శిలాతోరణం దాకా దాదాపు రెండు కిలోమీటర్లు భక్తులు బారులు తీరారు. గురువారం శ్రీవారిని 79,207 మంది భక్తులు దర్శించుకున్నారు. రూ.3.19 కోట్ల హుండీ ఆదాయం లభించింది.