కూకట్‌పల్లిలో ప్రేమజంట ఆత్మహత్య

హైదరాబాద్‌ కూకట్‌పల్లి హౌసింగ్‌ బోర్డ్‌లో దారుణం జరిగింది. ఓ ప్రేమ జంట ఆత్మహత్యకు పాల్పడ్డారు. వీరిద్దరూ చాలాకాలంగా ప్రేమించుకుంటున్నట్లు తెలుస్తోంది. పెద్దలు పెళ్లికి అంగీకరించకపోవడంతో బలవన్మరణానికి పాల్పడ్డారని సమాచారం. భీమవరానికి చెందిన శ్యామ్, జ్యోతి ఓ వివాహానికి హాజరయ్యేందుకు హైదరాబాద్‌ వచ్చారు. స్నేహితుడి రూమ్‌కు వెళ్లిన ఇద్దరు ఆత్మహత్య చేసుకున్నారు. జ్యోతి విషం తాగి చనిపోగా.. శ్యామ్ ఉరేసుకున్నాడు. కేసు నమోదు చేసిన పోలీసులు ఇందుకు గల కారణాలు ఆరా తీస్తున్నారు.