ఆసీస్ బౌలర్ విధ్వంసకర శతకం

ఆస్ట్రేలియా బౌలర్ సీన అబాట్ విధ్వంసకర సెంచరీతో విరుచుకుపడ్డాడు. 34 బంతుల్లోనే సెంచరీ చేశాడు. ఇంగ్లండ్‌లో జరుగుతున్న టీ20 బ్లాస్ట్‌లో అబాట్ సంచలన ఇన్నింగ్స్ ఆడాడు. సర్రే తరఫున ఆడుతున్న అబాట్ కెంట్‌తో జరిగిన మ్యాచ్‌లో 34 బంతుల్లో శతకం బాదాడు. ఓవరాల్‌గా 41 బంతుల్లో 4 ఫోర్లు, 11 సిక్సర్లతో 110 పరుగులు బాది నాటౌట్‌గా నిలిచాడు. దీంతో ఇంగ్లండ్ గడ్డపై ఫాస్టెస్ట్ సెంచరీ నమోదు చేశాడు. అలాగే టీ20 చరిత్రలో నాలుగో వేగవంతమైన శతకం బాదాడు.