కోల్‌కతాను తిప్పేసిన చాహల్

ఐపీఎల్ 2023లో భాగంగా రాజస్తాన్ రాయల్స్‌తో జరిగిన మ్యాచ్‌లో కోల్‌కతా నైట్‌రైడర్స్ స్వల్ప స్కోరుకే పరిమితమైంది. రాజస్తాన్ బౌలర్లు విజృంభించడంతో కోల్‌కతా 20 ఓవర్లలో 8 వికెట్లు కోల్పోయి 149 పరుగులు మాత్రమే చేయగలిగింది. యుజ్వేంద్ర చాహల్ 4 వికెట్లు పడగొట్టి కోల్‌కతాను భారీ స్కోరు చేయకుండా అడ్డుకున్నాడు. వెంకటేశ్ అయ్యర్(56) ఒక్కడే అర్ధసెంచరీతో రాణించాడు. నితీశ్ రాణా(21) ఫరవాలేదనిపించాడు. ట్రెంట్ బౌల్ట్ రెండు వికెట్లు తీసి రాణించాడు.