లేడి సింగంను పోలీసులే చంపారా?

లేడీ సింగంగా పేరొందిన అసోం మహిళా ఎస్‌ఐ జున్ముణి రాభా మరణంపై పలు అనుమానాలు రేకెత్తుతున్నాయి. రాభాను పోలీసు శాఖ అధికారులు చిత్ర హింసలకు గురిచేసి చంపారంటూ ఓ వ్యక్తి పెట్టిన ఆడియో క్లిప్‌ నెట్టింట వైరల్‌ అవుతోంది. రాభా కేసును దర్యాప్తు చేస్తున్న సీఐడీ అధికారులు ఆడియో క్లిప్‌ను ఓ కానిస్టేబుల్ విడుదల చేసినట్లు గుర్తించారు. అతడ్ని అదుపులోకి తీసుకొని ప్రశ్నిస్తున్నారు. మరోవైపు నిలిపి ఉన్న రాభా కారును ట్రక్కు వచ్చి ఢీకొట్టినట్లు ప్రత్యక్షసాక్షి తెలిపారు. ప్రమాదానికి ముందు కారులో నుంచి ఇద్దరు వ్యక్తులు దిగినట్లు పేర్కొన్నారు.