నేనూ మయోసైటిస్ బాధితురాలినే; నటి కల్పిక

హీరోయిన్ సమంత లాగా తానూ మయోసైటిస్ బాధితురాలినేనని నటి కల్పిక గణేష్ తెలిపారు. సమంత మూడో దశలో ఉందని, తాను మొదటి దశలో ఉన్నానని వివరించింది. 13 ఏళ్లుగా స్పాండిలైటిస్‌తో బాధ పడుతున్నానని కూడా తెలిపింది. ఒక సారి సమంతతో కలసి ఈ విషయం గురించి మాట్లాడుతానని.. ఆమె త్వరగా కోలుకోవాలని కోరుకుంది. కాగా కల్పిక ఇటీవల విడుదలైన ‘యశోద’ మూవీలో నటించింది. అంతకుముందు ‘పడి పడి లేచే మనసు’, ‘సీతమ్మ వాకిట్లో సిరిమల్లె చెట్టు’ చిత్రాల్లో నటించింది.