నేనెవరినీ స్లెడ్జ్ చేయను: నవీన్ ఉల్ హక్

ఇటీవల ఐపీఎల్‌లో ఆర్సీబీతో జరిగిన మ్యాచ్ సందర్భంగా విరాట్ కోహ్లీతో లక్నో సూపర్ జెయింట్స్ పేసర్ నవీన్ ఉల్ హక్ గొడవ పడిన సంగతి తెలిసిందే. ఈ క్రమంలో తన సహచరుడు ఆవేశ్ ‘‘నువ్వు ఎవరినైనా స్లెడ్జ్ చేశావా’’ అంటూ ఓ కార్యక్రమంలో ప్రశ్నించాడు. ‘‘నేనెవరినీ ముందుగా స్లెడ్జింగ్ చేయను. అది నా హాబీ కూడా కాదు. నా కెరీర్‌లో సీరియస్‌గా జరిగిన గొడవలు లేవు.’’అంటూ నవీన్ చెప్పుకొచ్చాడు. కాగా కోహ్లీ, నవీన్ మధ్య రాజీ కుదిరినట్లు ఉందని నెటిజన్లు అనుకుంటున్నారు.