కమల్ హాసన్‌కు ఐఫా అవార్డు

లోకనాయకుడు కమల్ హాసన్‌ని మరో అవార్డు వరించింది. ఇంటర్నేషనల్ ఇండియన్ ఫిల్మ్ అకాడమీ అవార్డ్స్ అందించే లైఫ్ టైం అచీవ్‌మెంట్ పురస్కారానికి కమల్ హాసన్‌ ఎంపికయ్యారు. సినీ రంగానికి కమల్ చేస్తున్న సేవలకు గుర్తింపుగా ఈ అవార్డును నిర్వహకులు ప్రదానం చేయనున్నారు. ఈ నెల 26, 27న అబుదాబిలో జరిగే అవార్డు వేడుకల్లో కమల్ ఈ పురస్కారాన్ని స్వీకరించనున్నారు. ప్రస్తుతం కమల్ హాసన్ ‘ఇండియన్2’ సినిమాతో బిజీగా ఉన్నారు. ఇటీవలే ఆయన పాత్రకు సంబంధించి డబ్బింగ్ కూడా పూర్తైనట్లు సమాచారం.