విశాఖ, హైదరాబాద్‌ నగరాల్లో ఐటీ దాడులు

విశాఖ, హైదరాబాద్‌ నగరాల్లో ఐటీ సోదాలు కలకలం సృష్టిస్తున్నాయి. విశాఖలోని పదికి పైగా ప్రాంతాల్లో అధికారులు తనిఖీలు చేస్తున్నారు. పలు ఫార్మా కంపెనీలే లక్ష్యంగా ఈ దాడులు జరుగుతున్నాయి. ఐటీశాఖ అధికారులు 15 బృందాలుగా విడిపోయి సోదాలు నిర్వహిస్తున్నట్లు తెలుస్తోంది. అటు హైదరాబాద్‌లోనూ దాదాపు 20 ప్రాంతాల్లో తనిఖీలు జరుగుతున్నాయి. ఓ స్థిరాస్తి సంస్థకు చెందిన డైరెక్టర్ల ఇళ్లు, కార్యాలయాల్లో సోదాలు చేస్తున్నారు.