సూపర్ స్టార్ మహేశ్ బాబు ప్రస్తుతం త్రివిక్రమ్ శ్రీనివాస్‌తో సినిమా చేస్తున్నారు. ఈ మూవీ పూర్తయిన అనంతరం దర్శకధీరుడు రాజమౌళితో పాన్ వరల్డ్ సినిమా చేయనున్నారు. జక్కన్న దర్శకత్వంలో ఇటీవల విడుదలైన ఆర్ఆర్ఆర్‌కు ప్రపంచవ్యాప్తంగా విశేష స్పందన లభించింది. ఈ క్రమంలో మహేశ్‌తో తీయబోయే సినిమాపై అంచనాలు పెరిగిపోయాయి. అయితే, ఈ సినిమాను హాలీవుడ్‌లోనూ విడుదల చేయనున్నారనే వార్తలు వినిపిస్తున్నాయి. దీనికి ఓ హాలీవుడ్ బ్యానర్ కూడా ముందుకొచ్చిందని చిత్ర పరిశ్రమలో చర్చ ఊపందుకుంది. అయితే, చిత్రబృందం దీనిపై క్లారిటీ ఇవ్వాల్సి ఉంది.
