సీబీఐకి లేఖ రాసిన ఎమ్మెల్సీ కవిత

TS: సీబీఐ జారీ చేసిన నోటీసులకు ఎమ్మెల్సీ కవిత స్పందించారు. ఎఫ్ఐఆర్ కాపీతో పాటు ఫిర్యాదు కాపీలను సాధ్యమైనంత త్వరగా ఇవ్వాలని కవిత సీబీఐకి లేఖ రాశారు. డాక్యుమెంట్లు ఇస్తే వేగంగా స్పందించడానికి వీలు అవుతుందని అందులో పేర్కొన్నారు. ఆ తర్వాతే విచారణ తేదీని ఖరారు చేయొచ్చని కవిత అలోక్‌కుమార్‌కి లేఖ రాశారు. అయితే, ఈ నెల 6న విచారణకు హాజరు కావాలంటూ సీబీఐ తరఫున అలోక్‌కుమార్ నోటీసులు పంపించారు. తన నివాసంలో విచారణకు రెడీ అని కవిత నిన్న వెల్లడించారు. దిల్లీ మద్యం కుంభకోణం కేసులో చేతులు మారిన లావాదేవీలపై సీబీఐ కవితను ప్రశ్నించే అవకాశం ఉంది.