దుబాయ్‌లో నంది అవార్డుల వేడుక

‘‘టీఎఫ్‌సీసీ నంది అవార్డ్స్ సౌత్ ఇండియా 2023’’ వేడుకలను దుబాయ్‌లో నిర్వహిస్తున్నట్లు టీఎఫ్‌సీసీ చైర్మన్ ప్రతాని రామకృష్ణ గౌడ్ తెలిపారు. 2021, 22లో విడుదలైన చిత్రాలకు ఈ అవార్డులు ఇస్తున్నట్లు పేర్కొన్నారు. ఆగష్టు 12న దుబాయ్ ప్రిన్స్ చేతులమీదుగా ఈ నంది అవార్డులు ప్రధానం చేయనున్నట్లు తెలిపారు. ఈ వేడుకకు రెండు తెలుగు రాష్ట్రాలకు చెందిన మంత్రులు ముఖ్య అతిథులుగా హాజరవుతున్నట్లు వివరించారు. పలువురు టాలీవుడ్ స్టార్ హీరోలు కూడా హాజరవుతారని తెలిపారు.