TSPSC వరుసగా నోటిఫికేషన్లను విడుదల చేస్తూ ఉద్యోగార్థులకు తీపి కబురు చెబుతోంది. తాజాగా మరొక ఉద్యోగ నోటిఫికేషన్ని రిలీజ్ చేసింది. 1392 జూనియర్ లెక్చరర్ పోస్టుల భర్తీకి ప్రకటన వెలువరించింది. ఫిజికల్ డైరెక్టర్లు, లైబ్రేరియన్ పోస్టులను ఈ నోటిఫికేషన్ కింద భర్తీ చేయనుంది. ఈ నెల 16 నుంచి జనవరి 6 వరకు దరఖాస్తులను స్వీకరించనున్నట్లు ప్రకటనలో పేర్కొంది. నిన్న డ్రగ్ ఇన్స్పెక్టర్ల పోస్టులను భర్తీ చేసేందుకు నోటిఫికేషన్ విడుదల చేసిన సంగతి తెలిసిందే. అంతకుముందు 9వేలకు పైగా గ్రూప్ 4 పోస్టుల భర్తీకి ప్రకటన వెలువరించింది.