ప్యాకేజ్ స్టార్‌కు సీఎం పదవి వద్దంట: జగన్

మత్స్యకార భరోసా నిధుల విడుదల సందర్భంగా సీఎం జగన్ టీడీపీ అధినేత చంద్రబాబుపై తీవ్ర విమర్శలు గుప్పించారు. ‘ఎన్నికల సమయంలోనే చంద్రబాబుకు పేదలు గుర్తుకువస్తారు. గత పాలనలో ఎస్సీలకు, బీసీలకు అన్యాయం జరిగింది. నేను చేసిన మంచిని, ప్రజలని, దేవుడిని నమ్ముకున్నా. చంద్రబాబు, దత్త పుత్రుడు పొత్తులు, ఎత్తులు, జిత్తులు, కుయుక్తులు నమ్ముకున్నారు. దత్త పుత్రుడు రెండు చోట్ల పోటీ చేస్తే ఒక్క చోట కూడా ప్రజలు నమ్మలేదు. ఒక్కో ఎన్నికకు ఒక్కో రేటు పెట్టి పార్టీని అమ్ముతున్న ప్యాకేజ్ స్టార్‌కు సీఎం పదవి అవసరం లేదంట’ అని ఆరోపించారు.