రికార్డు స్థాయిలో విద్యుత్ డిమాండ్ నమోదు

TS: వేసవి ప్రారంభం కాకముందే విద్యుత్ డిమాండ్ పెరిగిపోయింది. మార్చి 14న గతంలో ఎన్నడూ లేనంతగా డిమాండ్ ఏర్పడింది. ఉదయం 10.03 గంటలకు 15,254 మెగావాట్ల విద్యుత్ డిమాండ్ నమోదైంది. గతేడాది మార్చి 29న 14,160 మెగావాట్లు నమోదు కాగా ఈ ఏడాది ఈ రికార్డు రెండు సార్లు బద్దలైంది. ఈ నెలలోనే 14,750 మెగావాట్ల డిమాండ్ ఏర్పడింది. దీంతో రాష్ట్ర ప్రభుత్వం అప్రమత్తమైంది. అంతరాయం లేకుండా కరెంటు సరఫరా చేయాలని డిస్కంలకు ప్రభుత్వం సూచించింది. రోజువారీ డిమాండ్‌లో దక్షిణ భారత్‌లో తెలంగాణ రెండో స్థానంలో ఉంది.