సౌతాఫ్రికాతో చతికిలపడిన టీమిండియా బంగ్లాపై విజయం సాధించి పుంజుకోవాలని చూస్తోంది. కానీ, రేపటి మ్యాచ్‌పై వరుణుడు ప్రభావం చూపించే అవకాశం కనిపిస్తోంది. ప్రస్తుతం చెరో 4 పాయింట్లతో భారత్, బంగ్లాదేశ్ తొలి 2,3 స్థానాల్లో ఉన్నాయి. అడిలైడ్ వేదికగా జరుగుతున్న ఈ మ్యాచులో గెలిచిన జట్టు టాప్ ప్లేసుకి వెళుతుంది. కానీ భారీ వర్షం కారణంగా మ్యాచ్ నిర్వహణపై సందేహాలు వ్యక్తమవుతున్నాయి. ఇప్పటికే అక్కడ వర్షం పడుతుండటంతో ప్రాక్టీస్ సెషన్‌ని వాయిదా వేశారు. రేపు మధ్యాహ్నం 1.30కి మ్యాచ్ ప్రారంభమవుతుంది.