పాకిస్థాన్ గడ్డపై ద్వైపాక్షిక సిరీస్ లు ప్రేక్షకులు మిస్ అయ్యారని ఆ జట్టు మాజీ ఆటగాడు షాహిద్ ఆఫ్రిదీ అన్నాడు. 2009లో శ్రీలంక పై ఉగ్ర దాడి జరిగినప్పుడు.. మైదానాలు కల్యాణ మండపాలుగా మారాయని చెప్పాడు. అప్పుడు మళ్లీ మ్యాచ్ లు జరిగేలా చేసేందుకు బోర్డుతో పాటు ప్రభుత్వం కష్టపడిందన్నాడు. తాము సిరీస్ లు ఆడేందుకు వెళ్లి ప్రత్యర్థి జట్లను అడిగేవాళ్లమని వెల్లడించాడు. తర్వాత పరిస్థితి మెరుగుపడిందని.. ఇప్పుడు ఇంగ్లాండ్, ఆస్ట్రేలియా వంటి జట్లు వస్తున్నాయన్నాడు.

టీమిండియా Mr. 360 సూర్యకుమార్ యాదవ్‌పై పాకిస్తాన్‌ మాజీ ఆటగాడు షాహిద్‌ అఫ్రిదీ ప్రశంసలు కురిపించాడు. సూర్య 200-250 దేశవాలీ మ్యాచ్‌లు ఆడి అంతర్జాతీయ క్రికెట్‌లో అడుగు పెట్టాడని… అతడు సరైన బాల్స్‌ను మాత్రమే బౌండరీ కొడతాడని పేర్కొన్నాడు. ఎందుకంటే వాటిని ఎక్కువగా ప్రాక్టీస్‌ చేస్తాడని చెప్పాడు. స్కైని పొగుడుతూనే రిజ్వాన్‌ ఆటతీరను ఎండగట్టాడు. బ్యాట్స్‌మెన్‌ను బౌలర్లు అర్థం చేసుకుంటున్నారనే విషయం రిజ్వాన్‌ తెలుసుకోలేకపోతున్నాడని అఫ్రిదీ అన్నాడు.

పాకిస్తాన్‌ కెప్టెన్‌ బాబర్‌ ఆజం స్వార్థపరుడంటూ గౌతమ్‌ గంభీర్‌ చేసిన వ్యాఖ్యలపై మాజీ ఆటగాడు షాహిద్‌ అఫ్రిదీ ఘాటుగా స్పందించాడు. “టోర్నీ పూర్తయ్యాక గంభీర్‌ గురించి ఏం మాట్లాడాలో బాబర్‌కు చెబుతాను. ఎందుకంటే భారత్‌ కూడా ఇంటికి రావాల్సిందే కదా ? గంభీర్‌ గొప్ప ఆటగాడు ఏం కాదు. ఆటగాళ్లను వ్యక్తిగతంగా మాట అనే ముందు ఆలోచించుకోవాలి. వారిని ఇబ్బంది పెట్టేలా ఉండకూడదు” అని అఫ్రిదీ అన్నాడు. బాబర్‌ వంటి ఆటగాళ్లు తక్కువగా ఉంటారని పేర్కొన్నాడు.