ఏఐసీసీ అధ్యక్ష పదవికి పోటీ పడడం లేదని రాజస్తాన్ సీఎం అశోక్ గెహ్లాట్ స్పష్టం చేశారు. గురువారం ఢిల్లీలో కాంగ్రెస్ అధినేత్రి సోనియాగాంధీతో గెహ్లాట్ భేటీ అయ్యారు. అనంతరం ఆయన మాట్లాడుతూ రాజస్తాన్‌లో జరిగిన రాజకీయ పరిణామాలతో పోటీ నుంచి తప్పుకుంటున్నట్లు తెలిపారు. రాజస్తాన్ ఎమ్మెల్యేల వ్యవహారంపై సోనియాకు క్షమాపణలు చెప్పినట్లు పేర్కొన్నారు. ముందుగా పార్టీలో నెలకొన్న అంతర్గత సమస్యలను పరిష్కరిస్తానని చెప్పారు. కాగా గెహ్లాట్ తప్పుకోవడంతో ప్రస్తుతం ఏఐఐసీ అధ్యక్ష బరిలో దిగ్విజయ్ సింగ్, శశిథరూర్‌లు ద్విముఖ పోటీకి సిద్ధమయ్యారు.