ట్విటర్‌లో విధానపరమైన నిర్ణయాలపై ‘బ్లూ’ టిక్ సబ్‌స్క్రైబర్లకు మాత్రమే పోల్‌లో పాల్గొనే అవకాశం ఉన్నట్లు ట్విటర్ తెలిపింది. త్వరలోనే ఇందుకు సంబంధించి మార్పులు చేయనున్నట్లు పేర్కొంది. కాగా ట్విటర్ సీఈఓగా మస్క్ పదవిలో కొనసాగాలా? వద్దా? అన్న పోల్ ముగిసింది. దాదాపు 1.7 కోట్ల మంది ఓటింగ్‌లో పాల్గొన్నారు. ఓటింగ్‌లో పాల్గొన్న వారిలో 57 శాతం మంది వైదొలగాలి అని.. 43 శాతం మంది కొనసాగాలి అని ఓట్లు వేశారు. ఈ ఫలితాలపై ఎలన్ మస్క్ ఇంకా స్పందించలేదు.
ట్విటర్ లో ఎలాన్ మస్క్ సంస్కరణలు చేపడుతున్నారు. బ్లూటిక్ విధానాన్ని తిరిగి లాంఛ్ చేయనున్నట్లు వెల్లడించారు. నవంబర్ 29న ప్రారంభిస్తామని పేర్కొన్నారు. కొన్ని కారణాల వల్ల కొద్దిగా ఆలస్యమవుతుందన్నారు. అంతకముందు రాజకీయ నాయకులు, ప్రముఖులు, పాత్రికేయులకు బ్లూటిక్ ఉండేది. కానీ, ఇప్పుడు ఎవరైనా డబ్బులు చెల్లించి తీసుకోవచ్చు. ట్విటర్ ఆదాయం పెంచుకునేందుకు మస్క్ ఇలా చేస్తున్నారని విశ్లేషకులు భావిస్తున్నారు.
ట్విట్టర్‌లో బ్లూ టిక్ సర్వీస్‌ను నిలిపివేసినట్లు తెలుస్తోంది. ఎలాన్ మస్క్ ట్విట్టర్‌ను హస్తగతం చేసుకోక ముందు సెలబ్రిటీలు, జర్నలిస్ట్‌లు ఇతర ప్రముఖ సంస్థలకు బ్లూటిక్ ఇచ్చేవారు. ఇటీవల నెలకు 8 డాలర్లు చెల్లిస్తే బ్లూటిక్ పొందే సౌలభ్యాన్ని ఎలాన్ మస్క్ మొదలుపెట్టారు. అంటే 8 డాలర్లు చెల్లించగలిగే ఎవరికైనా బ్లూటిక్ వస్తుంది. దీంతో ఒక్కసారిగా ఫేక్‌ అకౌంట్లు కుప్పలుతెప్పలుగా వచ్చిపడ్డాయి. ఆ ట్విట్టర్ హ్యాండిల్స్‌ నుంచి వస్తున్న ప్రకటనలతో గందరగోళం మొదలైంది. దీంతో ప్రస్తుతానికి ట్విట్టర్ ఈ సర్వీస్‌ను ఆపేసినట్లు తెలుస్తోంది.
ట్విట్టర్‌ను హస్తగతం చేసుకున్న ఎలన్ మస్క్ యాప్‌లో అనేక మార్పులు తీసుకొస్తున్నవిషయం తెలిసిందే. బ్లూటిక్‌కు చార్జీలను పెంచుతూ ఇప్పటికే అమెరికా, యూకే సహా కొన్ని దేశాల్లో అమల్లోకి తెచ్చిన మస్క్ ఇండియాలో ప్రారంభించినట్లు తెలుస్తోంది. బ్లూటిక్ చార్జీలపై కొందరికి ట్విటర్ నుంచి మెసేజ్‌లు వస్తున్నాయి. నెలకు రూ. 719 చెల్లించి బ్లూటిక్ కొనసాగించుకోవచ్చని మెసేజ్‌ వస్తోంది.
ట్విటర్‌లో భారీ మార్పులకు శ్రీకారం చుట్టిన ఎలాన్ మస్క్ కీలక నిర్ణయాలు తీసుకుంటున్నారు. అకౌంట్‌ బ్లూటిక్‌కు డబ్బులు వసూలు చేయనున్నట్లు ప్రకటించారు. ఇందుకోసం 8 డాలర్లు చెల్లించాల్సి ఉంటుందని స్పష్టం చేశారు. ఈ మెుత్తం దేశాన్ని బట్టి మారుతోందని వెల్లడించారు. పర్ఛేజింగ్‌ పవర్‌ పారిటీకి అనుగుణంగా ధర నిర్ణయిస్తామన్నారు. డబ్బులు చెల్లిస్తున్న వారికి అదనపు సౌలభ్యాలు కల్పిస్తామని చెప్పారు. రిప్లై, సెర్చ్‌ వంటి ఫీచర్లలో ప్రాధాన్యం ఉంటుందని ఎలాన్ మస్క్ పేర్కొన్నారు.
@2021 KTree