• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • గోల్డ్ గెలిచిన పీవీ సింధు

    కామన్ వెల్త్ గేమ్స్ లో భారత ఎస్ షట్లర్ పీవీ సింధు గోల్డ్ మెడల్ సాధించింది. వుమెన్ బాట్మింటన్ సింగిల్స్ ఫైనల్లో కెనెడా షట్లర్ మిచిల్లిపై 21-15, 21-13 తేడాతో వరుస సెట్లలో విజయం సాధించింది. సింధు కేరిర్లో ఇది మూడో కామన్‌వెల్త్ పతకం. 2014లో కాంస్యం, 2018లో రజతం సింధు గెలిచింది.

    కామన్ వెల్త్ గేమ్స్ లో శ్రీకాంత్ ముందంజ

    కామన్ వెల్త్ గేమ్స్ లో భారత ఎస్ షట్లర్ కిడాంబి శ్రీకాంత్ స్టెజ్ 16కు చేరుకున్నాడు. 32 రౌండ్ మ్యాచ్ లో ఉగాండకు చెందిన డెనియల్ వానగాలియాపై 21-9, 21-9 తేడాతో వరుస సెట్లలో గెలిచి మ్యాచ్ సొంతం చేసుకున్నాడు. ఈ టోర్నిలో శ్రీకాంత్ కు ఇది వరుసగా రెండో విజయం కావడం విశేషం.

    సెమీస్ కు దూసుకెళ్లిన నీతు గంగాస్

    కామన్ వెల్త్ గేమ్స్ లో భారత బాక్సర్ నీతు గంగాస్ అదరగొట్టింది. 48 కేజీలో విభాగంలో జరిగిన క్వార్టర్ ఫైనల్ మ్యాచ్ లో ఐర్లాండ్ బాక్సర్ నికోల్ క్లైడ్ ను ఓడించింది.దీంతో నీతు గంగాస్ సెమీఫైనల్లోకి దూసుకెళ్లింది. ఆమె విజయంతో హరియాణాలోని ధన గ్రామంలో సంబురాలు అంబరాన్నంటాయి. నీతు తండ్రి జై భగవాన్, కూతురు విజయం పట్ల ఆనందం వ్యక్తం చేస్తూ స్వీట్లు పంచారు. తన బిడ్డ కచ్చితంగా భారత్ కు పతకం అందిస్తుందని విశ్వాసం వ్యక్తం చేశారు.

    భారత్ కు మరో స్వర్ణం

    కామన్ వెల్త్ గేమ్స్ లో భారత్ కు మరో స్వర్ణం లభించింది. లాన్ బాల్స్ విభాగంలో దక్షిణాఫ్రికాపై 17-10 తేడాతో భారత్ గెలిచింది.

    టీమిండియా అద్భుత ప్రదర్శన

    కామన్వెల్త్ గేమ్స్‌లో భాగంగా నేడు జరిగిన ఇండియా ఉమెన్స్, పాకిస్థాన్ ఉమెన్స్ మ్యాచ్‌లో టీమిండియా అదరగొట్టింది. టాస్ గెలిచి బ్యాటింగ్ ఎంచుకున్న ప్రత్యర్థి పాక్‌ను కేవలం 99 పరుగులకే ఆలౌట్ చేసింది. పాకిస్థాన్ జట్టులో మునాబా అలీ(32) మినహా ఎవరూ రాణించలేదు. ఇండియన్ బౌలర్లలో స్నేహ రానా, రాధ యాదవ్ తలో రెండు వికెట్లు తీసుకోగా.. రేణు సింగ్, మేఘ్న సింగ్, షెఫాలీ వర్మ తలో వికెట్ తీసుకున్నారు. కాగా ఈ మ్యాచ్‌లో ఇండియా గెలవాలంటే 100 పరుగులు చేయాల్సి ఉంటుంది.

    సెమీస్ కు దూసుకెళ్లిన శ్రీహరి నటరాజ్

    కామన్వెల్త్ గేమ్స్ భారత స్విమ్మర్ శ్రీహరి నటరాజ్ సెమీస్ కు దూసుకెళ్లాడు. 100మీటర్ల బ్యాక్ స్ట్రోక్ లో శ్రీహరి మూడో స్థానంలో నిలిచాడు. 54.68 సెకన్లలో ఈ ఫీట్ ను పూర్తి చేశాడు. మరోవైపు సజన్ ప్రకాశ్ 50మీటర్ల బటర్ ఫ్లై ఈవెంట్లో ఎనిమిదో స్థానానికి పరిమితమై వెనుదిరిగాడు. అలాగే మొదటిసారి ట్రయాథ్లాన్ లో పాల్గొంటున్న ఇండియాకు ఆదర్శ్ మురళీధరణ్ నిరాశ మిగిల్చాడు.

    కామన్వెల్త్ లో ఉమెన్స్ క్రికెట్.. టాస్ గెలిచిన భారత్

    కామన్వెల్త్ గేమ్స్‌లో నేడు టీమిండియా, ఆస్ట్రేలియా మధ్య మహిళల టీ20 క్రికెట్ మ్యాచ్ ప్రారంభమైంది. మొదట టాస్ గెల్చిన భారత్ బ్యాటింగ్ ఎంచుకుంది. బర్మింగ్‌హామ్‌లోని ఎడ్జ్‌బాస్టన్‌లో ఈ మ్యాచ్ జరుగుతోంది. ఈ సందర్భంగా గ్రూప్-ఎలోని భారత మహిళా క్రికెట్ జట్టుకు భారత మాజీ కెప్టెన్ విరాట్ కోహ్లీతోపాటు పలువురు శుభాకాంక్షలు తెలిపారు.

    నేటి నుంచి కామన్‌వెల్త్ గేమ్స్

    బర్మింగ్‌హమ్ వేదికగా నేటి నుంచి కామన్వెల్త్ గేమ్స్ మొదలు కానున్నాయి. నేటి మొదలు ఆగష్టు 8వ తేదీ వరకు ఈ క్రీడలు జరగనున్నాయి. ఈ క్రీడల్లో మొత్తం 72 దేశాల నుంచి సుమారు 5 వేలకు పైగా క్రీడాకారులు పాల్గొననున్నారు. భారత్ నుంచి 205 మంది క్రీడాకారులు వివిధ విభాగాల్లో పోటీ పడనున్నారు. కాగా ఈ గేమ్స్ ఓపెనింగ్ సెర్మనీలో భాగంగా నిర్వహించే కార్యక్రమాల్లో భారత్‌కు పీవీ సింధు ప్రాతినిధ్యం వహించనుంది.

    ‘భారత ప్లేయర్లు గోల్డ్ మెడల్స్ సాధిస్తారు’

    బర్మింగ్‌హామ్‌ కామన్వెల్త్ క్రీడలకు రేపటి నుంచి మొదలు కానున్నాయి. ఈ క్రీడల్లో భారత్ తరఫున 205 మంది పాల్గొనున్నారు. అయితే దీనిపై భారత బాక్సింగ్ టీం కోచ్ ధర్మేంద్ర యాదవ్ స్పందించారు. ఇండియన్ బాక్సర్ల మీద తనకు పూర్తి నమ్మకం ఉందని, ఈ టోర్నీలో బాక్సర్లు కొన్ని పథకాలు సాధిస్తారనే నమ్మకం తనకు ఉందని చెప్పారు. బాక్సర్లతో పాటు ఇండియన్ ప్లేయర్లు బంగారు పథకాలు కూడా గెలుచుకుంటారని ఆశాభావం వ్యక్తం చేశారు.

    కామన్వెల్త్ గేమ్స్‌లో తెలుగు తేజాలు

    నేటి నుంచి జరగనున్న బర్మింగ్‌హామ్‌ కామన్వెల్త్ క్రీడలకు ఏర్పాట్లు పూర్తయ్యాయి. 72 దేశాలు పాల్గొంటున్న ఈ క్రీడల్లో భారత్ నుంచి 205 మంది పాల్గొంటున్నారు. వారిలో తెలుగు రాష్ట్రాలకు చెందిన 11 మంది క్రీడాకారులు ఈ గేమ్స్‌లో పోటీ పడనున్నారు. వారిలో స్టార్ బాడ్మింటన్ ప్లేయర్ సింధు, కిదాంబి శ్రీకాంత్, సాత్విక్‌ సాయిరాజ్‌, గాయత్రి, సుమిత్‌ రెడ్డి, యర్రాజీ జ్యోతి, ఆకుల శ్రీజ, హుస్సాముద్దీన్‌, క్రికెట్‌లో మేఘన, హాకీలో రజని, వరల్డ్ బాక్సింగ్ ఛాంపియన్ నిఖత్ జరీన్ ఈ గేమ్స్‌లో పాల్గొననున్నారు.