దీపావళి పండగ వేళ హైదరాబాద్‌లో పటాకులు కాల్చడంపై GHMC మార్గదర్శకాలు జారీ చేసింది. హానికర రసాయనాలు, విధ్వంసకర పేలుడు పదార్థాలతో తయారైన పటాకులను దూరంగా ఉండాలని సూచించింది. నగరంలో కేవలం 2 గంటల పాటే పటాకులు కాల్చేందుకు గ్రేటర్‌ బోర్డు అనుమతినిచ్చింది. రాత్రి 8గం.ల నుంచి 10గం.ల వరకు మాత్రమే బాణసంచాలు కాల్చాలని స్పష్టం చేసింది. అలాగే దుకాణదారులు అక్టోబర్‌ 27 వరకు మాత్రమే దుకాణాలు నడపాలని చెప్పింది. ఎవరైనా నిబంధనలు మీరితే పోలీసులకు ఫిర్యాదు చేయాలని..వారిపై కఠిన చర్యలు తీసుకుంటామని GHMC హెచ్చరించింది.