AP: న్యూడ్ వీడియో వ్యవహారంపై ఎంపీ గోరంట్ల మాధవ్ సీఐడీకి ఫిర్యాదు చేశారు. ఈమేరకు మార్ఫింగ్ వీడియోను టీడీపీకి చెందిన ఐటీడీపీ సోషల్ మీడియాలో పోస్ట్ చేసినట్లు లేఖ రాశారు. ఐటీడీపీలో చంద్రబాబు, లోకేశ్, చింతకాయల రవి ఉన్నట్లు చెప్పారు. తాను జిమ్ చేస్తున్న వీడియోను మార్ఫింగ్ చేసి న్యూడ్ వీడియోగా చిత్రీకరించారని ఫిర్యాదు చేశారు. గోరంట్ల ఫిర్యాదు మేరకు సీఐడీ పోలీసులు FIR నమోదు చేశారు.
ఎంపీ గోరెంట్ల మధవ్ వీడియోపై వచ్చిన నివేదిక మీద జరుగుతున్న ప్రచారంపై సీఐడీ సునిల్ వివరణ ఇచ్చారు. ‘వైరల్ అవుతున్న న్యూడ్ వీడియోపై ఫోరెన్సిక్ సంస్థ ఇచ్చిన నివేదికే ప్రమాణికం. అది ఇద్దరి మధ్య జరిగిన వీడియో సంభాషణ. ప్రైవేట్ ల్యాబ్స్ ఇచ్చే నివేదకకు ప్రమాణికత లేదు. ఆ వీడియోను మూడో వ్యక్తి షూట్ చేశాడు అని నివేదికలో తేలింది. గవర్నమెంట్ ఫోరెన్సిక్ నివేదికపై ఎలాంటి అనుమానాలు అవసరం లేదు. త్వరలోనే దీనివెనుక ఉన్న సూత్రధారులను కనిపెడుతాం అని’ స్పష్టం చేశారు.
టీడీపీ నేతలు కావాలనే నాపై ఫేక్ వీడియోలు తయారు చేశారని వైసీపీ ఎంపీ గోరంట్ల మాధవ్ ఆరోపించారు. ఆయన మీడియాతో మాట్లాడుతూ..’ఐటీడీపీ సోషల్ మీడియా ద్వారా యూకే నుంచి ఫేక్ వీడియోలను పంపారు. టీడీపీ అనుకూల మీడియా చంద్రబాబుతో కలిసి నాపై బురద జల్లే ప్రయత్నం చేశారు. బడుగు, బలహీన వర్గాలను అణచివేస్తున్నారు. మంచి, చెడులు తెలియకుండా దుష్ప్రచారం చేస్తున్నారు. పోలీస్ వ్యవస్థ మీద నాకు నమ్మకం ఉంది. అన్ని నిజాలు త్వరలోనే బయటకు వస్తాయి’అని చెప్పారు.
రాజకీయంగా ఇబ్బంది పెట్టేందుకే తనపై కుట్ర చేశారని ఎంపీ గోరెంట్ల మాధవ్ మీడియాతో అన్నారు. ఫోరెన్సిక్ రిపోర్టుపై స్పందిస్తూ.. ‘ఈ వీడియో ఫేక్ అని తెలిపోయింది. ఈ వీడియో మార్ఫింగ్ అని ఆరోజే చెప్పా. ఇక ఈ రాద్దాంతానికి ఫుల్ స్టాప్ పెట్టండి. కొంతమంది దుర్మార్గులు చేసిన పని ఇది.ఫేక్ వీడియో సృష్టించినవారిపై పరువునష్టం దావా వేస్తా’ అని చెప్పారు.
ఎంపీ గోరెంట్ల మాధవ్ న్యూడ్ వీడియో పేరుతో సోషల్ మీడియాలో వైరల్ అవుతున్న వీడియో మార్ఫింగ్ అని అనంతపురం ఎస్పీ మీడియాకు వివరించారు. ‘ఈ వీడియోకు సంబంధించి బాధితులు ఎవరూ ఫిర్యాదు చేయలేదు. వైరల్ అవుతున్న వీడియో యూకేలోని వోడాఫోన్ నుంచి వచ్చినట్లు తెలిసింది. ఇంటర్నేషనల్ నంబర్ కావడం వల్ల వీడియో పోస్ట్ చేసిన వ్యక్తి ఎవరో సమాచారం సేకరిస్తున్నాం. ఒరిజినల్ వీడియోను ఎడిటింగ్ లేదా మార్పింగ్ చేసి ఉండొచ్చు. ఒరిజినల్ వీడియో దొరికితే దీనిపై మరింత సమాచారం తెలుస్తుంది’ అని పేర్కొన్నారు.
వైసీపీ ప్రభుత్వంపై తెలుగు మహిళా అధ్యక్షురాలు వంగలపూడి అనిత తీవ్ర వ్యాఖ్యలు చేశారు. గోరెంట్ల మాధవ్ వీడియోపై మాట్లాడిన ఆమె… రేపు చేశారు అంటే రేపు రా అన్నట్లుగా పోలీసుల తీరు ఉందని విమర్శించారు. డీజీపీకి ఫిర్యాదు చేయడానికి వెళ్తే పబ్లిక్ హాలిడే అని వెనక్కి పంపిస్తారా అని ప్రశ్నించారు. ఈ ఘటన జరిగిన ఐదురోజుల తర్వాత హోంమంత్రి బయటకు వచ్చి గోరెంట్లపై కుట్ర చేశారని అని అంటారా అని విమర్శించారు.
వైసీపీ ఎంపీ గోరెంట్ల మాధవ్ వీడియో వ్యవహారంపై టీడీపీ అధినేత చంద్రబాబా స్పందించారు. అన్యాయంపై ప్రశ్నిస్తే కొందరు కులాల ప్రస్తావన తీస్తున్నారని విమర్శించారు. ‘తప్పు చేసినవారిపై సీఎం జగన్ కఠిన చర్యలు తీసుకోవాలి. జగన్ ఉదాసీనత వైఖరి వల్లే రాష్ట్రంలో నేరాలు, అత్యాచారాలు పెరుగుతున్నాయి. ఇప్పటికైనా ఈ ఘనటపై నిస్పక్షపాతంగా దర్యాప్తు చేయించాలి’ అని డిమాండ్ చేశారు.
ఎంపీ గోరంట్ల మాధవ్ న్యూడ్ వీడియో వ్యవహారంపై మంత్రి రోజా స్పందించారు. ఆ వీడియో నిజమో కాదో తెలుసుకోకుండా టీడీపీ విమర్శలు చేయడం తగదన్నారు.ఇప్పటికే ఈ వ్యవహారంపై సీఎం జగన్ విచారణకు ఆదేశించారని తెలిపారు. గత టీడీపీ ప్రభుత్వ హాయాంలో నారాయణ స్కూల్స్‌లో ఆడిపిల్లలు చనిపోయినా ఒక్క కేసైనా పెట్టారా అని ప్రశ్నించారు. మహిళలకు ఇబ్బంది కలిగిస్తే ఎంతటివారినైనా సీఎం జగన్ వదిలిపెట్టరని స్పష్టం చేశారు.
@2021 KTree