ఫిఫా వరల్డ్‌కప్ విశ్వవిజేత అర్జెంటీనా జట్టుకు స్వదేశంలో ఘనస్వాగతం లభించింది. బ్యూనస్‌ఎయిర్స్‌లోని ఎజీజీ విమానాశ్రయం వద్ద లక్షలాది అభిమానులు మెస్సీ బృందానికి వెల్‌కమ్ చెప్పారు. తమ జట్టు ప్రయాణిస్తున్న ప్రత్యేక విమానాన్ని ఓ యాప్ సాయంతో ట్రాక్ చేసి మరీ ఎయిర్‌పోర్ట్‌కు చేరుకున్నారు. బ్యూనస్‌ఎయిర్స్‌లో ఆటగాళ్లకు అడుగడు గునా నీరాజనాలు పలికారు. ఆటగాళ్లు ట్రోఫీని ప్రదర్శిస్తూ తమ ఆనందాన్ని పంచుకున్నారు. మెస్సీ.. మెస్సీ.. అంటూ హోరెత్తించారు.