కేంద్ర ఆర్థికశాఖ మంత్రి నిర్మలా సీతారామన్ నేడు పార్లమెంట్‌లో బడ్జెట్ ప్రవేశపెట్టారు. దేశ పద్దును ఆమె 86 నిమిషాల్లో ప్రవేశపెట్టారు. అంటే గంటన్నరలోపే ఆమె బడ్జెట్ ప్రసంగం చేశారు. ఇప్పటివరకు ఆమె 5 సార్లు బడ్జెట్ ప్రవేశపెట్టారు. 2020-21 బడ్జెట్ ప్రసంగంలో ఆమె ఏకంగా 162 నిమిషాల పాటు ప్రసంగించింది. ఇదే ఇప్పటివరకు సుదీర్ఘ ప్రసంగంగా ఉంది. ప్రస్తుతం గంటన్నర లోపే ప్రసంగం ముగించి అతి తక్కువ సమయం తీసుకున్న బడ్జెట్ ప్రసంగంగా నిలిచిపోయింది.
కేంద్ర బడ్జెట్ నేపథ్యంలో దేశ ఆర్థిక శాఖ మంత్రి నిర్మలా సీతారామన్ ఎరుపు రంగు చీరలో దర్శనమిచ్చారు. బ్రౌన్ రంగులో టెంపుల్ బోర్డర్‌లో ఉన్న ఎరుపు రంగు చీరలో మెరిశారు. నాలుగేళ్లుగా ఆమె బడ్జెట్ ప్రవేశపెట్టేటప్పుడు ఎరుపు రంగు చేనేత చీరే ధరిస్తోంది. కాగా నిర్మలమ్మ ఎరుపు రంగు చీర ధరించడం వెనుక ఓ ప్రత్యేకత ఉందని కొంతమంది చెబుతున్నారు. శక్తికి ప్రతీక అయిన దుర్గామాత ఎరుపు రంగును సూచిస్తుందని.. అందుకే నిర్మలమ్మ ఎరుపు చీరల్లో దర్శనమిస్తున్నారని పేర్కొంటున్నారు.
గత ఆర్థిక సంవత్సరానికి సంబంధించిన ఎకనామిక్ సర్వేను కేంద్ర ఆర్థికశాఖ మంత్రి నిర్మలా సీతారామన్ పార్లమెంట్‌లో ప్రవేశపెట్టారు. సాధారణంగా కేంద్ర బడ్జెట్ ప్రవేశపెట్టేముందు ఆర్థిక సర్వేను ప్రవేశపెట్టడం ఆనవాయితీగా వస్తోంది. రాష్ట్రపతి ద్రౌపది ముర్ము ప్రసంగం ముగిసిన వెంటనే నిర్మలా ఈ సర్వేను ప్రవేశపెట్టారు. కాగా సీఈఏ నేతృత్వంలోని కమిటీ ఈ ఆర్థిక సర్వేను రూపొందించింది. ఇందులో గతేడాది ఆర్థిక స్థితిగతులు, ప్రస్తుత ఏడాదిలో ఆర్థిక వృద్ధికి సంబంధించిన సంస్కరణలు పొందుపరిచారు.
రేషన్ దుకాణాలపై మోదీ బొమ్మ లేకపోవడంపై కేంద్రమంత్రి నిర్మలా సీతారామన్ ఆగ్రహం వ్యక్తం చేశారు. కేంద్రం అందిస్తున్న ఉచిత పథకాలకు ప్రచారం కల్పించేలా ప్రధాని ఫొటో ఎందుకు పెట్టలేదని ఆమె కామారెడ్డి కలెక్టర్ ని ప్రశ్నించారు. తాను మళ్లీ వచ్చేటప్పటికీ ఫొటో ఉండాలని, లేదంటే తానే పెట్టాల్సి వస్తుందని ఆమె తెలిపారు. పార్లమెంట్ ప్రవాస యోజన కార్యక్రమంలో భాగంగా ఆమె తెలంగాణకు వచ్చారు.
సీఎం కేసీఆర్‌పై కేంద్రమంత్రి నిర్మలా సీతారామన్ మండిపడ్డారు. తానే ప్రధాన మంత్రి అని కేసీఆర్ దేశమంతా తిరుగుతున్నారు. తెలంగాణను కేసీఆర్ అప్పుల్లోకి నెట్టారు. రాష్ట్రంలో అప్పుడే పుట్టిన బిడ్డపై రూ.లక్ష అప్పు ఉంది. ఉపాది హామీ పథకం కోసం రూ.20 వేల కోట్లు ఇచ్చాం. వాటిని ఖర్చు చేయకపోతే అధికారులు విచారణ చేస్తారు. ఓపిగ్గా సమాధానం చెప్పాల్సిన బాధ్యత రాష్ట్ర ప్రభుత్వానిది అని సూచించారు.
భారతదేశ ప్రయోజనాలే తమకు మొదటి ప్రాధాన్యమని ఆర్థిక మంత్రి నిర్మలా సీతారామని తెలిపారు. రాయితీగా ఇంధన ధరలు అందుబాటులో ఉన్నప్పుడు ఎందుకు తీసుకోకూడదని అన్నారు. మరికొన్ని రోజులకు సరిపడేందుకు ఇంధనం కొనుగోలు చేసినట్లు, తర్వాత కూడా తీసుకుంటామని చెప్పారు. మరోవైపు రష్యా నుంచి ముడి చమురును యూరప్ దేశాలు కూడా కొనుగోలు చేస్తున్నట్లు చెప్పారు. అమెరికా సహాపలు దేశాలు రష్యా నుంచి ఇంధనం కొనుగోలు చేయకూడదని చెబుతున్నాయి.
@2021 KTree