studentNo1 – Page 2 – YouSay Telugu

నెమ్మదించిన బంగ్లా స్కోరు బోర్డు

by Sandireddy V December 10, 2022

భారత బౌలర్ల ధాటికి బంగ్లాదేశ్ బ్యాట్స్‌మెన్లు నిలవలేకపోతున్నారు. కట్టుదిట్టంగా బౌలింగ్ చేస్తుండడంతో బంగ్లా స్కోరు బోర్డు నెమ్మదించింది. బ్యాట్స్‌మెన్లు పరుగులు చేయడానికి ఆపసోపాలు పడుతున్నారు. ప్రస్తుతం 20 ఓవర్లలో 107/4 పరుగులతో బంగ్లా బ్యాటింగ్ కొనసాగిస్తోంది. క్రీజులో షకీబుల్ హసన్ (36), మహ్మదుల్లా (01) ఉన్నారు. లిటన్ దాస్ (29), యాసిర్ అలీ (25) పరుగులు చేశారు. భారత బౌలర్లలో అక్షర్ పటేల్ 2, మహ్మద్ సిరాజ్ 1, ఉమ్రాన్ మాలిక్ 1 వికెట్ చొప్పున పడగొట్టారు.

ప్రపంచంలోనే తొలి క్రికెటర్‌గా కోహ్లీ

by Sandireddy V December 10, 2022

ఛాటోగ్రామ్ వేదికగా బంగ్లాతో జరిగిన మూడో వన్డేలో భారత్ స్టార్ బ్యాట్స్‌మెన్ విరాట్ కోహ్లీ సెంచరీతో మెరిశాడు. ఈ క్రమంలో 59 పరుగుల వ్యక్తిగత స్కోరు వద్ద ఉన్నప్పుడు బంగ్లాదేశ్‌లో అత్యధిక పరుగులు చేసిన ఆటగాడిగా రికార్డులకెక్కాడు. మొత్తం 1,099 పరుగులు చేసి ఈ అరుదైన ఘనత సాధించాడు. ఇంతకు ముందు ఈ రికార్డు శ్రీలంక మాజీ క్రికెటర్ కుమార సంగక్కర (1,045) పేరిట ఉంది. కాగా ఈ మ్యాచ్‌లో కింగ్ కోహ్లీ 91 బంతుల్లోనే 113 పరుగులు సాధించాడు. అతడి ఇన్నింగ్స్లో 11ఫోర్లు, … Read more

బంగ్లా చేతిలో భారత్ చిత్తు

by Sandireddy V December 4, 2022

ఢాకాలో జరిగిన మొదటి వన్డేలో బంగ్లాదేశ్ టీమిండియాను చిత్తు చిత్తుగా ఓడింది. భారత్ నిర్దేశించిన 187 పరుగుల లక్ష్యంతో బరిలోకి దిగిన బంగ్లా 46 ఓవర్లలో 9 వికెట్లు కోల్పోయి 188 పరుగులు చేసి ఒక్క వికెట్ తేడాతో నెగ్గింది. బంగ్లా ఆల్‌రౌండర్ మొహిదీ హసన్ మిరాజ్ తుదికంటా పోరాడి తమ జట్టును విజయతీరాలకు చేర్చాడు. 38 పరుగులు చేసి జట్టును ఆదుకున్నాడు. చివరి వికెట్‌కు ముస్తాఫిజుర్‌తో కలసి మిరాజ్ 52 పరుగులు జత చేశాడు. భారత బౌలర్లలో ఏ ఒక్కరూ వీరిని విడగొట్టలేక … Read more

నిలకడగా ఆడుతున్న బంగ్లా బ్యాటర్లు

by Sandireddy V December 4, 2022

బంగ్లాదేశ్ బ్యాట్స్‌మెన్లు నిలకడగా ఆడుతున్నారు. 187 పరుగుల లక్ష్యంతో బరిలోకి దిగిన బంగ్లా ప్రస్తుతం 34 ఓవర్లలో 127|4 పరుగులతో ఆడుతోంది. క్రమంగా జోరు పెంచుతూ పరుగులు రాబడుతున్నారు. దూకుడుగా ఆడుతున్న లిటన్ దాస్ (41) వాషింగ్టన్ సుందర్ బౌలింగ్‌లో వెనుదిరిగాడు. భారత్ బౌలింగ్‌ను బంగ్లా బ్యాటర్లు సమర్ధవంతంగా ఎదుర్కొంటున్నారు. ప్రస్తుతం మహ్మదుల్లా (14), ముష్ఫీకర్ రహీమ్ (17) క్రీజులో ఉన్నారు. వాషింగ్టన్ సుందర్‌కు రెండు వికెట్లు దక్కాయి.

ఇండియాతో సిరీస్‌కు బంగ్లాదేశ్‌ జట్టు ప్రకటన

by Sateesh November 25, 2022

బంగ్లాదేశ్‌లో టీమిండియాతో జరిగే ద్వైపాక్షిక సిరీస్‌కు బంగ్లా జట్టును ప్రకటించింది. 16 మందితో కూడిన జట్టులో ఆల్‌రౌండర్‌ షకిభ్‌ అల్ హసన్‌ చేరాడు. డిసెంబర్ 1న టీమిండియా బంగ్లాదేశ్ చేరుకుంటుంది. డిసెంబర్‌ 4, 7, 10 తేదీల్లో మ్యాచ్‌లు జరుగుతాయి. బంగ్లా జట్టు : తమీమ్ ఇక్బాల్ (c), లిటన్ దాస్, అనాముల్ హక్, షకీబ్ అల్ హసన్, ముష్ఫికర్ రహీమ్, అఫీఫ్ హొస్సేన్, యాసిర్ అలీ, మెహిదీ హసన్ మిరాజ్, ముస్తాఫిజుర్ రెహ్మాన్, తస్కిన్ అహ్మద్, హసన్ మహ్మద్, ఎబాదత్ హుస్సేన్, నసీమ్ … Read more

విరాట్‌ ఫేక్‌ ఫీల్డింగ్‌పై రచ్చ

by YouSay App November 4, 2022

భారత్‌-బంగ్లాదేశ్‌ మ్యాచ్‌లో విరాట్‌ కోహ్లీ ఫేక్‌ ఫీల్డింగ్‌పై బంగ్లా క్రికెట్‌ బోర్డు కీలక వ్యాఖ్యలు చేసింది. వివాదాస్పదమైన అంపరింగ్‌పై సరైన వేదికపై ప్రస్తావిస్తామని పేర్కొంది. ఈ విషయంపై కెప్టెన్‌ షకీబ్‌ అల్‌ హసన్‌ అంపైర్ల దృష్టికి తీసుకెళ్లిన వారు పట్టించుకోలేదని తెలిపింది. అక్కడ ఫేక్‌ త్రో జరిగినట్లు స్పష్టంగా కనిపిస్తోందని. అంపైర్లు తాము గమనించలేదని చెప్పటంతో రివ్యూకి కూడా వెళ్లలేదని పేర్కొన్నారు. వర్షం తగ్గిన కాసేపటికే ఔట్‌ఫీల్డ్‌ చిత్తడిగా ఉన్న మ్యాచ్‌ త్వరగా ప్రారంభించారని చెప్పింది.

టీమిండియాను ఓడించేందుకు వచ్చాం

by YouSay App November 1, 2022

టీ ట్వంటీ వరల్డ్‌కప్‌లో టీమిండియా రేపు బంగ్లాదేశ్‌తో తలపడనున్న నేపథ్యంలో ఆ జట్టు ఆటగాడు షకీబ్‌ అల్‌ హసన్‌ కీలక వ్యాఖ్యలు చేశాడు. భారత్‌ కప్‌ గెలిచేందుకు వస్తే…తాము టీమిండియాను ఓడించేందుకు వచ్చామన్నాడు. అదే మాకు ప్రపంచకప్‌ గెలిచినంత విషయమని వ్యాఖ్యానించాడు. ఐర్లాండ్‌, జింబాంబ్వే వంటి జట్లు ఇంగ్లాండ్‌, పాకిస్థాన్‌కు షాక్‌ ఇచ్చినప్పుడు తాము ఎందుకు గెలవలేమని పేర్కొన్నాడు. తమను తక్కువ అంచనావేస్తే ఫలితం అనుభవిస్తారని హెచ్చరించాడు.

బంగ్లాలో హిందూ దేవుళ్ల విగ్రహాల ధ్వంసం

by YouSay App October 8, 2022

బంగ్లాదేశ్‌లో హిందూ దేవుళ్లకు అవమానం జరిగింది. బంగ్లాలోని దౌటియా గ్రామంలో ఉన్న కాళి టెంపుల్‌లోని దేవతామూర్తులను దుండగులు రెండు ముక్కలు చేసి రోడ్డు పక్కన విసిరేశారు. ఇది గమనించిన ఆలయ పాలక మండలి పోలీసులకు ఫిర్యాదు చేసింది. బంగ్లాలో ఇంతకు ముందు కూడా ఇలాంటి ఘటనలు అనేకం చోటుచేసుకున్నాయి. విగ్రహారాధన ఇష్టం లేని కొందరు విగ్రహాల ధ్వంసానికి పాల్పడుతూ.. హిందువులను భయభ్రాంతులకు గురి చేస్తున్నారు.

ఆ చోరీ ముఠా దొరికేసింది

by YouSay App October 6, 2022

TS: బ్యాంకులు, మొబైల్, జ్యువెల్లరీ దుకాణాలే టార్గెట్‌గా HYDలో చోరీలకు పాల్పడుతున్న నిందితులను ఎట్టకేలకు పోలీసులు అరెస్ట్ చేశారు. గతనెలలో బజాజ్ ఎలక్ట్రానిక్స్‌లో జరిగిన చోరీ కేసులో ఇద్దరు నిందితులను కుషాయిగూడ పోలీసులు అరెస్టు చేశారు. 400కు పైగా ఫోన్లను వీరు చోరీ చేయగా.. వీరి నుంచి రెండు మొబైల్ ఫోన్లు, రూ.80వేల నగదును స్వాధీనం చేసుకున్నారు. కొట్టేసిన ఫోన్లను బంగ్లాదేశ్‌లో అమ్ముతున్నట్లు గుర్తించారు. సీసీ ఫుటేజీ ఆధారంగా నిందితులను పోలీసులు పట్టుకున్నారు.

పడవ బోల్తా.. 24మంది మృతి

by YouSay App September 26, 2022

బంగ్లాదేశ్‌లో పడవ బోల్తా పడి 24మంది మృతిచెందారు. మహాలయ అమావాస్య సందర్భంగా ఆలయానికి బోటులో వెళ్తుండగా ఈ ప్రమాదం సంభవించింది. పరిమితికి మించి పడవలో ప్రయాణించడమే ప్రమాదానికి కారణమైనట్లు తెలిసింది. బదేశ్వర్ ఆలయానికి కరటోయ నదిపై పడవలో వెళ్తుండగా ఈ ఘటన చోటుచేసుకుంది. మరో 30మందికి పైగా గల్లంతైనట్లు సమాచారం. మృతుల్లో మహిళలు, పిల్లలు ఉన్నారు.