దిల్లీలో చలి తీవ్రత అంతకంతకూ పెరుగుతోంది. వరుసగా మూడ్రోజులు కోల్డ్‌ స్పెల్ ఏర్పడే అవకాశం ఉందని వాతావరణ శాఖ వెల్లడించింది. సోమవారం ఉదయం కనిష్ఠ ఉష్ణోగ్రత 1.4 డిగ్రీల సెల్సియస్‌ నమోదు అయ్యింది. ఈ సీజన్‌లో అత్యల్ప ఉష్ణోగ్రతలు నమోదవ్వడం ఇదే తొలిసారి. దీంతో వాతావరణ శాఖ మరో ఆరు రోజుల పాటు యెల్లో అలర్ట్ జారీ చేసింది. ఇక రానున్న ఐదురోజులు దిల్లీ సహా పంజాబ్, హర్యాణా, ఛండీగఢ్, యూపీ, రాజస్థాన్‌లో దట్టమైన మంచు కురిసే అవకాశం ఉంది.
తెలుగు రాష్ట్రాలను చలి గజగజ వణికిస్తోంది. తెలంగాణలోని సంగారెడ్డి జిల్లా కొహిర్‌లో 4.6 డిగ్రీలకు ఉష్ణోగ్రతలు పడిపోయాయి. కొమురం భీం జిల్లా సిర్పూర్‌లో 4.8, వికారాబాద్‌ మార్పెల్లిలో 5 డిగ్రీలు నమోదయ్యాయి. చాలా ప్రాంతాల్లోనూ ఇదేస్థాయిలో చలి ఉంది. ఏపీలోని అల్లూరి సీతరామరాజు జిల్లాలో అత్యల్ప ఉష్ణోగ్రతలు నమోదవుతున్నాయి. పాడేరులో 5.02 డిగ్రీలు, హుకుంపేట 5.47 అరకువ్యాలీ 5.5 డిగ్రీలకు పడిపోయినట్లు వాతావరణ శాఖ అధికారులు తెలిపారు. శ్వాసకోశ సమస్యలు ఉన్నవారు ఉదయాన్నే బయటకు రాకపోవడం మంచిదని వైద్యులు సూచిస్తున్నారు.
ఉత్తరాదిని చలి గజగజలాడిస్తున్న వేళ వాతావరణ శాఖ కీలక హెచ్చరికలు జారీ చేసింది. మరో రెండ్రోజులు పరిస్థితులు ఇలాగే కొనసాగుతాయని వెల్లడించింది. పంజాబ్, హర్యానా, చంఢీఘర్‌, దిల్లీ, ఉత్తరప్రదేశ్‌ , బిహార్‌లో మరో 48 గంటలు మంచు కురుస్తుందని అధికారులు తెలిపారు. ఈ రాష్ట్రాలకు రెడ్ అలర్ట్ జారీ చేశారు. దాదాపు 2-4 డిగ్రీలకు ఉష్టోగ్రతలు పడిపోతాయని తెలుస్తోంది. దీంతో దేశ రాజధాని దిల్లీలో జనవరి 15 వరకు పాఠశాలలు మూసివేస్తున్నట్లు ప్రకటించారు.
హైదరాబాద్‌లోని వివిధ ప్రాంతాల్లో చిరు జల్లులు కురిశాయి. తెల్లవారుజాము నుంచే మబ్బులు పట్టి వాన పడింది. బంజారాహిల్స్, జూబ్లీహిల్స్‌, అమీర్‌పేట, పంజాగుట్ట, ఆర్టీసీ క్రాస్‌ రోడ్‌, బాలానగర్‌, సుచిత్ర, వనస్థలీపురం ప్రాంతాల్లో మోస్తరు వర్షం కురిసింది. ఇప్పటికే నగరవాసులను కొద్దిరోజులుగా చలి ఉక్కిరిబిక్కిరి చేస్తోంది. దీనికి వర్షం తోడవ్వటంతో చలి మరింత పెరిగే అవకాశం ఉందని వాతావరణ శాఖ అంచనా వేస్తోంది. అప్రమత్తంగా ఉండాలని ప్రజలకు సూచించింది.
దక్షిణ అండమాన్ సముద్రంలో ఈనెల 13న మరో ఉపరితల ఆవర్తనం ఏర్పడనుంది. ఇది ఆగ్నేయ బంగాళాఖాతంలో బలపడి ఈ నెల 15న మరో అల్పపీడనంగా మారనుందని వాతావరణ శాఖ అంచనా వేసింది. మరోవైపు ఏపీ మీదుగా తూర్పు గాలులు వీస్తున్నాయి. వీటి ప్రభావంతో కోస్తా, రాయలసీమ జిల్లాల్లో మోస్తరు వర్షాలు కురుస్తాయని వాతావరణ శాఖ తెలిపింది. తెలంగాణలోనూ రెండ్రోజుల పాటు తేలికపాటి వానలు కురుస్తాయని హైదరాబాద్‌ వాతావరణ కేంద్రం పేర్కొంది.
తెలంగాణ, ఏపీలో చలి తీవ్రత మరింత పెరిగింది. కుమురం భీం జిల్లా సిర్పూర్‌లో 8డిగ్రీల కనిష్ఠ ఉష్ణోగ్రత నమోదైంది. గ్రేటర్‌ పరిధిలో పటాన్‌చెరులో 13.6 డిగ్రీల కనిష్ఠ ఉష్ణోగ్రత నమోదైంది. రానున్న 3 రోజులు ఉత్తర తెలంగాణ జిల్లాల్లో 11-14 డిగ్రీల ఉష్ణోగ్రతలు, దక్షిణ, మధ్య తెలంగాణ జిల్లాల్లో 15-18 డిగ్రీల ఉష్ణోగ్రతలు ఉంటాయని వాతావరణశాక పేర్కొంది. ఏపీలోనూ ఏజెన్సీ ప్రాంతాల్లో 7 డిగ్రీల వరకూ చలి తీవ్రత ఉంటోంది. ప్రజలు అప్రమత్తంగా ఉండాలని వాతావరణ శాఖ సూచిస్తోంది.
ఏపీ, తెలంగాణలో ఇవాళ, రేపు అక్కడక్కడా వానలు కురుస్తాయని వాతావరణ శాఖ అధికారులు తెలిపారు. బుధవారం అక్కడక్కడా తేలికపాటి జల్లులు కురిశాయి. ఖమ్మంలోని మధిర, సూర్యాపేటలోని వడ్డెనపల్లిలో మోస్తరు వాన పడింది. రైతులు తగు జాగ్రత్తలు తీసుకోవాలని వ్యవసాయ అధికారులు అప్రమత్తం చేస్తున్నారు. మరోవైపు బంగాళాఖాతంలో ఏర్పడిన వాయుగుండం బలహీనపడి అల్పపీడనంగా మారింది. దీని ప్రభావంతో ఏపీలోను కోస్తాంధ్ర, రాయలసీమలో తేలికపాటి నుంచి మోస్తరు వానలు కురుస్తాయని వాతావరణ శాఖ తెలిపింది.
బంగాళాఖాతంలో ఏర్పడిన వాయుగుండం మంగళవారానికి బలహీనపడింది. రాబోయే 24 గంటల్లో ఇది మరింత బలహీనపడే అవకాశముంది వాతావరణ శాఖ తెలిపింది. అయితే ఉపరితల ఆవర్తనం కారణంగా బుధ, గురు వారాల్లో కోస్తాంధ్ర, రాయలసీమలో పలుచోట్ల తేలికపాటి నుంచి మోస్తరు వర్షాలు కురిసే అవకాశముందని వాతావరణ కేంద్రం పేర్కొది. తెలంగాణలో ఒకట్రెండు చోట్ల తేలికపాటి వర్షాలు కురిసే అవకాశముందని వెల్లడించింది.
AP: పశ్చిమ మధ్య బంగాళాఖాతంలో వాయుగుండం కొనసాగుతోంది. గంటకు 5కి.మీ వేగంతో గాలులు వీస్తున్నాయి. చెన్నై, నెల్లూరు సమీప తీరాలకు చేరుకునే సరికి కాస్త బలహీనపడి అల్పపీడనంగా మారే అవకాశం ఉందని వాతావరణ శాఖ తెలిపింది. ఈ అల్పపీడన ప్రభావంతో నెల్లూరు, ప్రకాశం, రాయలసీమ జిల్లాల్లో వర్షాలు కురిసే ఛాన్స్ ఉందని పేర్కొంది. ఎల్లో హెచ్చరికను ఐఎండీ కొనసాగిస్తోంది. అక్కడక్కడా పిడుగులు పడతాయని తెలిపింది. సముద్రంలోకి వేటకు వెళ్లొద్దని మత్య్సకారులకు వాతావరణ అధికారులు సూచించారు.
తెలుగు రాష్ట్రాల్లో చలి రోజురోజుకూ తీవ్రమవుతోంది. ఏపీలో మన్యం ప్రాంతం గడ్డకట్టే చలికి వణికిపోతోంది. అల్లూరి జిల్లా దుంబ్రిగూడలో 6.74 డిగ్రీల కనిష్ఠ ఉష్ణోగ్రత నమోదైంది. జి.మాడుగులలో 7.25, అరకు వ్యాలీలో 7.9 డిగ్రీల ఉష్ణోగ్రతలు ఉన్నాయి. తెలంగాణలో కుమురం భీం, ఆదిలాబాద్‌, నిజామాబాద్‌, కామారెడ్డి, సంగారెడ్డి జిల్లాల్లో చలి వణికిస్తోంది. సిర్పూర్‌లో 7.3 డిగ్రీల కనిష్ఠ ఉష్ణోగ్రత నమౌదైంది. సిర్పూర్‌లో 7.3 డిగ్రీలు, సంగారెడ్డి జిల్లా సత్వార్‌లో 8 డిగ్రీల కనిష్ఠ ఉష్ణోగ్రతలు నమోదయ్యాయి. వృద్ధులు అప్రమత్తంగా ఉండాలని వాతావరణశాఖ హెచ్చరిస్తోంది.
@2021 KTree