దేశంలో జనవరి 14 నుంచి 19 వరకు చలి తీవ్రత మరింత పెరగబోతోందని వాతావరణ శాఖ హెచ్చరించింది. ముఖ్యంగా ఉత్తర భారతంలో -4 డిగ్రీలకు కనిష్ఠ ఉష్ణోగ్రతలు పడిపోతాయని తెలిపింది. ఇటీవల ఉత్తర భారతంలో కాస్త ఊరట లభించినట్టు అనిపించినా.. ఇది ఎక్కువ రోజులు ఉండబోదని తెలుస్తోంది. జనవరి 16-18 మధ్య అయితే తీవ్రత చాలా ఎక్కువగా ఉంటుందని వాతావరణ శాఖ హెచ్చరిస్తోంది. తెలుగు రాష్ట్రాల్లోనూ చలి తీవ్రత పెరిగే అవకాశముందని హైదరాబాద్‌ వాతావరణ కేంద్రం తెలిపింది.
ఉత్తరాదిని చలి గజగజలాడిస్తున్న వేళ వాతావరణ శాఖ కీలక హెచ్చరికలు జారీ చేసింది. మరో రెండ్రోజులు పరిస్థితులు ఇలాగే కొనసాగుతాయని వెల్లడించింది. పంజాబ్‌, హర్యానా, చంఢీఘర్‌, దిల్లీ, ఉత్తరప్రదేశ్‌ , బిహార్‌లో మరో 48 గంటలు మంచు కురుస్తుందని అధికారులు తెలిపారు. ఈ రాష్ట్రాలకు రెడ్ అలర్ట్‌ జారీ చేశారు. దాదాపు 2-4 డిగ్రీలకు ఉష్టోగ్రతలు పడిపోతాయని తెలుస్తోంది. దీంతో దేశ రాజధాని దిల్లీలో జనవరి 15 వరకు పాఠశాలలు మూసివేస్తున్నట్లు ప్రకటించారు.
చలికాలంలో ఉదయాన్నే నిద్రలేవడానికి బద్ధకం అడ్డు వస్తుంది. వ్యాయామం చేయటం మానేస్తాం. కానీ, చలికాలంలో రన్నింగ్, వాకింగ్ చేస్తే మంచిదట. దీనివల్ల శరీరానికి డి విటమిన్ సరిగా అందుతుందని వైద్యులు సూచిస్తున్నారు. అయితే, కొన్ని జాగ్రత్తలు పాటించాలి. వెచ్చని బట్టలు, బూట్లు ధరించడం మంచిది. వేగంగా పరిగెత్తవద్దట. ఎందుకంటే, శరీరం చల్లగా ఉంటుంది కనుక ఇబ్బందులు రావచ్చు. నీరు ఎక్కువగా తీసుకుంటే మంచిది. నడుస్తున్నప్పుడు ఇబ్బంది అనిపిస్తే వైద్యులను సంప్రదించండి.
అగ్రరాజ్యం అమెరికాలో మంచు తుపాను బీభత్సం సృష్టిస్తోంది. ఇప్పటిదాకా 21 మంది ప్రాణాలు కోల్పోయారు. ఉష్ణోగ్రతలు మైనస్ 50 డిగ్రీలకు పడిపోయాయి. 20 కోట్ల మంది ప్రమాదంలో ఉన్నారు. 20 లక్షలకు పైగా ఇళ్లకు విద్యుత్ సరఫరా నిలిచిపోయింది. 6 వేల విమాన సర్వీసులు రద్దు చేశారు. చలి తీవ్రత నుంచి తప్పించుకోలేక జనం బిక్కుబిక్కుమంటూ గడుపుతున్నారు.
తూర్పు, ఈశాన్య దిశల నుంచి చలిగాలులు బలంగా వీస్తున్నట్లు వాతావరణ శాఖ తెలిపింది. దీంతో తెలంగాణలో చలి తీవ్రత పెరిగే అవకాశముందని అప్రమత్తం చేసింది. రెండు రోజులుగా కాస్త తగ్గుముఖం పట్టిన చలి ఇవాళ ఒక్కసారిగా విజృంభించింది. కొమురం భీ, వికారాబాద్‌, కామారెడ్డి తదితర జిల్లాల్లో 10 డిగ్రీలకు దిగువన ఉష్ణోగ్రతలు నమోదవుతున్నాయి. ఏపీలోనూ చలి చంపేస్తుంది. ఏజెన్సీ ప్రాంతాల్లో 7, 8 డిగ్రీల ఉష్ణోగ్రతలు నమోదవుతున్నాయి.
తెలుగు రాష్ట్రాల్లో చలి తీవ్రత పెరుగుతోంది. రోజురోజుకు ఉష్ణోగ్రతలు పడిపోతున్నాయి. తెలంగాణలోని కామారెడ్డి జిల్లా డోంగ్లీలో 5.9 డిగ్రీల ఉష్ణోగ్రత నమోదయ్యింది. సంగారెడ్డి న్యాల్‌కల్‌లో 7.1 , ఆదిలాబాద్ జిల్లా బేలలో 7.7 డిగ్రీలుగా ఉంది. ఆంధ్రప్రదేశ్‌లో మాండౌస్‌ తుపాను తీరం దాటింది. తుపాను ప్రభావానికి చాలాచోట్ల చలిగాలులు వణికించాయి. తీరం వెంట 65 నుంచి 75 కి.మీ వేగంతో గాలులు వీచాయి. దక్షిణ కోస్తా, రాయలసీమలోని వానలు పడొచ్చని వాతావరణ శాఖ తెలిపింది.
తెలుగు రాష్ట్రాల్లో చలి వణికిస్తోంది. కుమురం భీం జిల్లా సిర్పూర్‌లో ఉష్ణోగ్రతలు 10 డిగ్రీలకు పడిపోయింది. సంగారెడ్డి జిల్లా కొహిర్‌లో 11, రంగారెడ్డి కాసులాబాద్‌లో 11.3 డిగ్రీలు నమోదయ్యాయి. వికారాబాద్‌, ఉమ్మడి ఆదిలాబాద్, కరీంనగర్‌లోనూ చలి పెరుగుతోంది. ఆంధ్రప్రదేశ్ అల్లూరి సీతారామరాజు జిల్లా జీమాడుగుల మండలం కుంతాలలో 9.5 డిగ్రీల ఉష్ణోగ్రత నమోదయ్యింది. అదే జిల్లాలోని గొర్రెల మట్టి, కొక్కిస, గంపారి ప్రాంతాల్లోనూ దాదాపు ఇదే పరిస్థితి కొనసాగుతోంది.
తెలుగు రాష్ట్రాల్లో పలుచోట్ల వర్షాలు పడే అవకాశం ఉందని వాతావరణ శాఖ వెల్లడించింది. తెలంగాణలో చిరుజల్లులు కురిసే అవకాశం ఉందని తెలిపింది. యాదాద్రి భువనగిరి, రంగారెడ్డిలో ఎక్కువగా కురుస్తాయని పేర్కొంది. ఆంధ్రప్రదేశ్ లోనూ గుంటూరు, కృష్ణ, అల్లూరి సీతరామ రాజు జిల్లాలు సహా వివిధ ప్రాంతాల్లో వానలు పడతాయని వెల్లడించింది. మరోవైపు చలి కూడా పంజా విసురుతోంది. ఉమ్మడి ఆదిలాబాద్ జిల్లా, ఏపీలో అల్లూరి సీతాారామరాజు జిల్లాలో కనిష్ఠ ఉష్ణోగ్రతలు నమోదవుతున్నాయి.
తెలుగు రాష్ట్రాల్లో తెల్లవారుజామున బయటకు రావాలంటే గజ గజ వణికే పరిస్థితి కనిపిస్తోంది. అనేక ప్రాంతాల్లో 10 డిగ్రీల కన్నా తక్కువ ఉష్ణోగ్రతలు నమోదవుతున్నాయి. తెలంగాణలో కుమ్రం భీం జిల్లా సిర్పూర్‌లో 8 డిగ్రీల ఉష్ణోగ్రత నమోదైంది. హైదరాబాద్‌లో పటాన్‌చెరులో 13.6 డిగ్రీల కనిష్ఠ ఉష్ణోగ్రత నమోదైంది. ఏపీలో ఏజెన్సీ ప్రాంతాల్లో మంచుదుప్పటి కమ్మేసింది. అల్లూరి జిల్లాలో కనిష్ఠంగా 7 డిగ్రీల వరకూ ఉష్ణోగ్రతలు నమోదవుతున్నాయి. మరో రెండు రోజులు ప్రజలు చలితో అప్రమత్తంగా ఉండాలని వాతావరణశాఖ సూచిస్తోంది.
తెలుగు రాష్ట్రాల్లో చలి ఒక్కసారిగా పెరిగింది. గత రెండు, మూడు రోజులు కాస్త తక్కువగా అనిపించిన చలి ఒక్కసారిగా మళ్లీ పేరింగి. ఏపీలో అల్లూరి జిల్లా జి మాడ్గుల మండలం కుంతాలలో అత్యల్పంగాా 6.59 డిగ్రీల కనిష్ఠ ఉష్ణోగ్రత నమోదైంది. గొర్రెలమెట్టలో 7.9 డిగ్రీలుగా రికార్డైంది. ఏజెన్సీ ప్రజలు చలికి వణుకుతున్నారు. తెలంగాణలో కుమురం భీం జిల్లా సిర్పూర్‌లో 8 డిగ్రీలు, తిర్యానీలో 9 డిగ్రీల అత్యల్ప ఉష్ణోగ్రతలు నమోదయ్యాయి. రానున్న రెండు రోజులు చలి తీవ్రత ఇలాగే కొనసాగే అవకాశముందని వాతావరణశాఖ అంచనా … Read more
@2021 KTree