నాసామిరంగ చిత్రంతో మరోసారి కింగ్ నాగార్జున సంక్రాంతి బరి(జనవరి 14)లో దిగనున్నారు. తనకు అచ్చొచ్చిన విలేజ్ బ్యాక్‌డ్రాప్‌ కథాంశంతోనే ఆయన పోటీపడనున్నారు. గతంలో సోగ్గాడే చిన్నినాయన చిత్రంలో సంక్రాంతి బరిలో నిలిచి విజయం సాధించిన నాగార్జున మరోసారి అలాంటే గ్రామీణ నేపథ్యం ఉన్న స్టోరీతో తన అదృష్టాన్ని పరిక్షించుకోనున్నాడు. ఇప్పటికే ఈ చిత్రం నుంచి విడుదలైన టీజర్, పస్ట్ సింగిల్ సినిమాపై హైప్ పెంచాయి. గతేడాది రిలీజ్‌ అయిన ఘోస్ట్‌ చిత్రం పాజిటివ్ టాక్ తెచ్చుకున్నప్పటికీ బాక్సాఫీస్ వద్ద చతికిలపడింది. దీంతో ఆయన మరోసారి విలేజ్ కథాంశాన్నే ఎంచుకున్నారు. కాగా నాగార్జున కెరీర్‌లో గ్రామీణ నేపథ్యంలో వచ్చి హిట్ కొట్టిన చిత్రాలేంటో ఓసారి చూద్దాం.