వరకట్నం కోసం పెళ్లి ఆపేసిన వధువు!

తెలంగాణ: వరకట్నం సరిపోలేదని ఓ వధువు పెళ్లి ఆపిన ఘటన పోచారం మున్సిపాలిటి పరిధిలో జరిగింది. స్థానిక యువకుడికి, ఖమ్మం యువతితో పెద్దలు వివాహం నిశ్చయించారు. ఎదురు కట్నం కింద రూ. 2 లక్షలు ఇస్తామని ఒప్పందం చేసుకున్నారు. గురువారం ఆ జంట పెళ్లి పీటలెక్కగా ఒక్కసారిగా వధువు పెళ్లికి నిరాకరించింది. ఎదురు కట్నంగా మరికొంత ఇవ్వాలని డిమాండ్ చేసింది. దీంతో వరుడి బంధువులు పోలీసు స్టేషన్‌కు వెళ్లారు. రాజీ కుదిర్చేందుకు పోలీసులు యత్నించినా ఫలించకపోవడంతో పెళ్లి ఆగిపోయింది.