ప్రేమికులను చంపి చెట్టుకు వేలాడదీశారు

యూపీలోని ఉన్నావ్‌ జిల్లాలో దారుణం జరిగింది. ప్రేమికులను హత్య చేసి వారు ఆత్మహత్య చేసుకున్నట్లు నమ్మించేందుకు మృతదేహాలను చెట్టుకు వేలాడదీశారు. అగ్ర కులానికి చెందిన 17 ఏళ్ల బాలిక, దళితుడైన 19 ఏళ్ల యువకుడు ప్రేమించుకున్నారు. ఈ వ్యవహారం నచ్చని అమ్మాయి కుటుంబ సభ్యులు యువకుడిని అపహరించి ఓ మామిడి తోటలో చంపేశారు. తర్వాత బాలికనూ అక్కడకు తీసుకొచ్చి హతమార్చారు. అనంతరం వారి మృతదేహాలను చెట్టుకు వేలాడదీశారు. పోలీసులు బాలిక తండ్రి సహా ఏడుగురిపై కేసు నమోదు చేశారు.