నేడే కర్ణాటక తీర్పు.. గెలుపెవరిదీ?

నేడు కర్ణాటక శాసనసభ ఎన్నికల ఫలితాలు వెలువడనున్నాయి. మొత్తం 2,615 మంది అభ్యర్థుల భవితవ్యం మరికొద్ది గంటల్లో తేలిపోనుంది. ఉదయం 8 గంటలకు ఓట్ల లెక్కింపు ప్రారంభం కానుంది. కౌంటింగ్‌ కోసం రాష్ట్రవ్యాప్తంగా 36 కేంద్రాలు ఏర్పాటు చేశారు. తుది ఫలితాలపై మధ్యాహ్నం కల్లా స్పష్టత వచ్చే అవకాశముంది. ఈ ఎన్నికల్లో అధికార బీజేపీ, ప్రతిపక్ష కాంగ్రెస్‌ మధ్య హోరాహోరీ పోరు ఉంటుందని ఎగ్జిట్‌ పోల్స్‌ అంచనా వేశాయి. అయితే మెజారిటీ సర్వేలు కాంగ్రెస్‌ విజయం సాధిస్తుందని అభిప్రాయపడ్డాయి. బుధవారం జరిగిన ఎన్నికల్లో 73.19 శాతం పోలింగ్‌ నమోదైన సంగతి తెలిసిందే.