TS: ఎంసెట్ రిజల్ట్స్ రిలీజ్: ఎప్పుడంటే?

తెలంగాణ ఎంసెట్ ఫలితాలను మే 25న విడుదల చేస్తున్నట్లు విద్యాశాఖ మంత్రి సబితా ఇంద్రారెడ్డి తెలిపారు. ఆ రోజు ఉదయం 11 గంటలకు జేఎన్‌టీయూ హైదరాబాద్‌లోని గోల్డెన్ జూబ్లీ హాలులో ఈ రిజల్ట్స్ రిలీజ్ చేస్తున్నారు. కాగా దాదాపు 3.20 లక్షల మంది విద్యార్థులు టీఎస్ ఎంసెట్ రాశారు. ఒక్క హైదరాబాద్‌లోనే 1.71 లక్షల మంది విద్యార్థులు పరీక్ష రాశారు. తెలంగాణలో 104, ఏపీలో 33 సెంటర్లలో ఈ పరీక్ష నిర్వహించారు. ఈ నెల 10 నుంచి 14 వరకు ఈ పరీక్షలు కొనసాగాయి.