వేశ్య పాత్రల్లో ఆకట్టుకున్న  తెలుగు హీరోయిన్లు

YouSay Short News App

వేశ్య పాత్రలో నటించి మెప్పించడమంటే మామూలు విషయం కాదు. అభిమానుల నుంచి కూడా వ్యతిరేకత వస్తుంది. తెలుగులో కొంతమంది నటీమణులు మాత్రమే ఈ సాహసాన్ని చేశారు.

శరీరాన్ని అమ్ముకునే ఈ పాత్రల్లో అద్భుతంగా నటించి మెప్పించిన కొందరు హీరోయిన్లు వీరే

ఉదయభాను - మధుమతి

ఒకప్పుడు అగ్రశ్రేణి యాంకర్‌గా బుల్లితెరను ఏలిన ఉదయభాను తెలుగు ప్రేక్షకులకు ఎంతో సుపరిచితం. చాలాకాలం తర్వాత వెండితెరపై కనిపించిన ఈ భామ ‘మధుమతి’ సినిమాలో వేశ్యగా అద్భుతంగా నటించింది. కానీ ఈ పాత్ర వల్ల తాను చాలా కాంట్రవర్సీలకు సమాధానం చెప్పాల్సి వచ్చింది.

సంగీత - ధనం

ధనం సినిమాలో సంగీత అందమైన వేశ్య పాత్రలో మెప్పించింది. బాక్సాఫీస్‌ వద్ద ఈ సినిమా అంతగా ఆడకపోయినా…సంగీత నటనకు మాత్రం మంచిమార్కులే పడ్డాయి.

చార్మీ - జ్యోతిలక్ష్మి , ప్రేమ ఒక మైకం

సొట్టబుగ్గల చిన్నది చార్మీ… తెలుగులో దాదాపుగా అందరు స్టార్ హీరోలతో నటించింది. అలాగే రెండు సినిమాల్లో వేశ్య పాత్రలో అలరించింది. ప్రేమ ఒక మైకం, జ్యోతిలక్ష్మి సినిమాల్లో చార్మీ పాత్రలను ప్రేక్షకులు ఎప్పటికీ మర్చిపోలేరు.

భువనేశ్వరి - బాయ్స్‌

సినిమాలతోనే గాక బయట కాంట్రవర్సీలతో కూడా బాగా పాపులర్ అయిన నటి భువనేశ్వరి. బాయ్స్‌ సినిమాలో కాల్‌గర్ల్‌గా తాను చేసిన పాత్ర అప్పట్లో యూత్‌కు బాగా నచ్చింది.

బింధు మాధివి - సెగ

బిగ్‌ బాస్‌-OTT విన్నర్‌ బింధు మాధవి..నాని నటించిన ‘సెగ’ సినిమాలో కాల్‌గర్ల్‌గా నటించి మెప్పించింది.

శ్రియ శరన్‌ - పవిత్ర

వన్నె తరగని అందంతో ఇప్పటికీ కుర్రకారు మతిపోగొడుతున్న నటి శ్రియ శరన్‌. ‘పవిత్ర’ సినిమాలో వేశ్య పాత్రతో టాలివుడ్‌ను షాక్‌కు గురిచేసింది.

అర్చన - కమలతో నా ప్రయాణం

తెలుగు నటి అర్చన చాలా సినిమాల్లో బోల్డ్‌గా పాత్రలను ఎంచుకుని ఆశ్చర్యపరిచింది, కానీ, ‘కమలతో నా ప్రయాణం’ సినిమా కోసం మరో అడుగు ముందుకు వేసి వేశ్య పాత్రలో నటించింది.

హరి ప్రియ - అబ్బాయి క్లాస్ అమ్మాయి మాస్

పిల్ల జమిందార్‌ నటి హరిప్రియ మంచి మంచి సినిమాలతో తనకంటూ పేరు తెచ్చుకుంది. వరుణ్‌ సందేశ్ హీరోగా తెరకెక్కిన ‘ అబ్బాయి క్లాస్‌ అమ్మాయి మాస్‌’ సినిమాలో తన పాత్ర ప్రేక్షకుల దృష్టిని ఆకర్షించింది.

శోభిత ధూళిపాళ - మూథున్‌

తెలుగు నటి శోభిత ధూళిపాళ ప్రస్తుతం బాలివుడ్‌లోనూ పేరున్న నటి. మలయాళంలో వచ్చి మూథున్‌ సినిమాలో వేశ్యగా నటించి మంచి మార్కులే కొట్టేసింది. నివిన్‌ పాలీ ఈ సినిమాలో హీరో.

అనుష్క శెట్టి - వేదం

టాలివుడ్ స్వీటి అనుష్క వేదంలో చేసిన ‘సరోజ’పాత్ర తన కెరీర్‌లో ఓ మైలురాయిగా ఉంటుందనడంలో సందేహం లేదు. వేశ్యావృత్తిలోని చీకటి కోణాన్ని చూపించేలా ఉండే పాత్రలో అమాయకమైన అమ్మాయిగా అనుష్క నటన కన్నీళ్లు పెట్టించింది.