తెలుగు, హిందీ, తమిళ్ ఏ భాషలోనైనా పరిచయం అక్కర్లేని గాయకుడు ఉదిత్ నారాయణ్. తన గాత్రంతో ఎన్నో పాటలను సూపర్ హిట్లుగా మలిచి శ్రోతలను అలరించారు.
మెలోడి, మాస్ ఏదైనా ప్రేక్షకులు ఉర్రూతలూగాల్సిందే. ఉదిత్ పుట్టిన రోజు సందర్భంగా ఆయన టాప్‌ సాంగ్స్ వినేయండి మరి.
మహేశ్ బాబు, భూమికా చావ్లా నటించిన ఒక్కడు చిత్రంలోని పాట ఇప్పటికీ మార్మోగుతూనే ఉంటుంది. మణిశర్మ బాణీలకు, ఉదిత్ నారాయణ్ గాత్రంతో పాటు మహేశ్ స్టెప్స్ తోడవ్వటంతో సూపర్ హిట్ గా నిలిచింది.
పవర్ స్టార్ పవన్ కల్యాణ్ బ్లాక్ బస్టర్స్ లో ఒకటైన ఖుషీ సినిమాలోని అమ్మాయే సన్నగా అరనవ్వే నవ్వగా అనే పాట అప్పట్లో ఓ సంచలనమే. ఉదిత్ తన స్టైల్ లో పాడి ఈ పాటకు మరింత జోష్ తెచ్చారు.
తరుణ్, శ్రియ జంటగా త్రివిక్రమ్ దర్శకత్వం వహించిన నువ్వే నువ్వే చిత్రంలో నా మనసుకు ఏమైంది అనే పాట యువతను ఆకట్టుకుంది. కోటి సంగీతం అందించగా.. ఉదిత్ అద్భుతంగా ఆలపించారు.
దర్శక ధీరుడు రాజమౌళి తెరకెక్కించిన మెుదటి చిత్రం స్టూడెంట్ నెం. 1లో ఈ పాట మరిచిపోలేరు. ఎన్టీఆర్, గజాల నృత్యాలు కీరవాణి సంగీతం ఒక ఎత్తైతే…ఉదిత్ నారాయణ్ గాత్రం మరో ఎత్తు.
అందమైన ప్రేమ రాణి చెయ్యి తగిలితే సత్తు రేకు కూడ స్వర్ణమే లే. ఇప్పటికీ చాలామంది ఫోన్ లో రింగ్ టోన్ గా ఉన్న పాట ఇది. ఉదిత్ పాడిన పాటకు ప్రభుదేవా స్టెప్పులతో సంచలనం సృష్టించింది.