నందమూరి బాలకృష్ణ, డైరెక్టర్ బొయపాటి శ్రీను కాంబోలో వస్తున్న చిత్రం అఖండ2. ఈ చిత్రం సూపర్ హిట్ మూవీ అఖండకు సీక్వెల్.

నేచురల్‌ స్టార్‌ నాని నటిస్తున్న లేటెస్ట్‌ చిత్రం 'హిట్‌: ది థర్డ్ కేస్‌'. కేజీఎఫ్‌ ఫేమ్‌ శ్రీనిధి హీరోయిన్‌గా నటిస్తోంది. శైలేష్‌ కొలను దర్శకత్వం వహిస్తున్నారు. ఈ సినిమాను మే 1, 2025లో ప్రేక్షకుల ముందుకు తీసుకురానున్నారు. గతంలో వచ్చిన ‘హిట్‌’, ‘హిట్‌ 2’ చిత్రాలు సూపర్‌ సక్సెస్‌ కావడంతో ఈ సినిమాపై భారీగా అంచనాలు ఏర్పడ్డాయి.

మంచు విష్ణు లీడ్‌ రోల్‌లో నటిస్తున్న చిత్రం కన్నప్ప. ఈ చిత్రం పురాతన పురుషుడు, గొప్ప శివ భక్తుడు కన్నప్ప జీవితం ఆధారంగా ముఖేష్ కుమార్ సింగ్ తెరకెక్కిస్తున్నారు. పాన్‌ ఇండియన్ స్టార్ ప్రభాస్, మలయాళ స్టార్ హీరో మోహన్ లాల్ ఇతర ప్రధాన పాత్రల్లో నటిస్తున్నారు. తాజాగా ఈ చిత్రం నుంచి ట్రైలర్ విడుదలైంది.

హనుమాన్ ఫేమ్‌ తేజ సజ్జ నటిస్తోన్న అప్‌కమింగ్‌ చిత్రం 'మిరాయ్‌'. కార్తీక్‌ ఘట్టమనేని దర్శకత్వంలో రూపొందుతున్న ఈ చిత్రంలో తేజ.. సూపర్‌ యోధుడిగా కనిపించనున్నాడు. ఈ చిత్రంలో మంచు మనోజ్‌ విలన్‌గా నటిస్తున్నాడు. పాన్ ఇండియా స్థాయిలో రూపొందుతున్న ఈ చిత్రం వచ్చే 2025 ఏప్రిల్‌ 18న రిలీజ్‌ కానుంది.

మారుతి దర్శకత్వంలో ప్రభాస్‌ హీరోగా తెరకెక్కుతోన్న చిత్రం ‘రాజా సాబ్‌’. ఇందులో ప్రభాస్‌కు జోడీగా మాళవిక మోహనన్‌, నిధి అగర్వాల్‌ కనిపించనున్నారు. ఎస్‌.ఎస్‌ థమన్‌ సంగీతం అందిస్తున్న ఈ చిత్రంలో జిష్షూ సేన్‌గుప్తా, రిద్ది కుమార్‌, వరలక్ష్మీ శరత్‌ కుమార్‌, సప్తగిరి, యోగిబాబు, బ్రహ్మానందం ముఖ్యపాత్రలు పోషిస్తున్నారు.

గౌతమ్ తిన్ననూరి డైరెక్షన్‌లో వస్తున్న ఈ చిత్రం స్పై థ్రిల్లర్‌ కథాంశంతో రూపొందుతోంది. ఈ చిత్రంలో విజయ్ దేవరకొండ పోలీస్ ఆఫీసర్‌గా కనిపించనున్నాడు. ప్రస్తుతం ఈ సినిమా షూటింగ్ హైదరాబాద్‌లో జరుపుకుంటోంది. ఏప్రిల్ 28 నుంచి వైజాగ్‌లో సెకండ్ ఫేజ్ జరుపుకోనున్నట్లు సమాచారం.

పవర్ స్టార్ పవన్ కళ్యాణ్ నటిస్తున్న హరిహర వీరమల్లు పిరియాడిక్ అడ్వెంచర్ జనర్‌లో రూపొందుతోంది. మొగల్స్ పరిపాలన సమయంలో వీరమల్లు అనే వీరుడి జీవిత చరిత్రను ఈ చిత్రం వివరిస్తుంది. ఆయన కోహినూరు డైమండ్‌ను మొగల్స్‌ నుంచి ఎలా సాధించాడు? ఆ సమయంలో ప్రజలకు వీరమల్లు ఏ విధంగా సాయపడ్డాడు అనేది కథగా తెలుస్తోంది.

సూర్య, పూజా హెగ్డే ప్రధాన పాత్రల్లో నటిస్తున్న యాక్షన్ చిత్రం రెట్రో. ఈ సినిమాను కార్తిక్ సుబ్బరాజు డైరెక్ట్ చేస్తున్నారు. వీరితో పాటు జయరాం, కరుణాకరణ్, నాజర్, ప్రకాశ్ రాజ్ ఇతర పాత్రాల్లో నటిస్తున్నారు. ఈ చిత్రం 2025లో విడుదల కానుంది.

G2(గూఢాచారి2) తెలుగులో త్వరలో విడుదల కానున్న చిత్రం. స్పై యాక్షన్ థ్రిల్లర్ జనర్‌లో నిర్మితమవుతోంది. ఈ సినిమాలో అడవి శేషు, బనితా సాధు, ఇమ్రాన్ అశ్మి ప్రధాన పాత్రల్లో నటిస్తున్నారు. ఇది సూపర్ హిట్ చిత్రం గూఢాచారికి సీక్వెల్.

అగ్ర కథానాయకుడు చిరంజీవి నటిస్తోన్న 156వ చిత్రం ‘విశ్వంభర’. భారీ బడ్జెట్‌తో ‘బింబిసారా’ దర్శకుడు వశిష్ఠ తెరకెక్కిస్తున్నారు. సోషియో ఫాంటసీ డ్రామాగా ఈ సినిమా రూపొందుతోంది. వచ్చే ఏడాది జనవరి 10న సంక్రాంతి కానుకగా ఈ సినిమా ప్రేక్షకుల ముందుకు రానుంది.

తమ్ముడు చిత్రం వేణు శ్రీరామ్ డైరెక్షన్‌లో వస్తున్న అప్‌కమింగ్ చిత్రం. ఈ సినిమాలో నితిన్ హీరోగా నటిస్తుండగా.. కేజీఎఫ్ ఫేమ్ సప్తమి గౌడ హీరోయిన్‌గా నటిస్తోంది. మరో హీరోయిన్‌ వర్ష బొల్లమ్మ నితిన్ చెల్లెలుగా నటిస్తోంది. దిల్ రాజు నిర్మిస్తున్నారు.

విష్వక్‌ సేన్‌ హీరోగా రామ్‌ నారాయణ్‌ దర్శకత్వంలో రానున్న చిత్రం 'లైలా'. విశ్వక్‌కు జోడీగా ఆకాంక్ష శర్మ కనిపించనుంది. ఇందులో విశ్వక్‌.. లేడీ గెటప్‌లో కనిపించనున్నట్లు తెలుస్తోంది. ఈ మూవీని 2025 ఫిబ్రవరి 14న వాలెంటైన్స్‌ సందర్భంగా రిలీజ్‌ చేయాలని మేకర్స్ లక్ష్యంగా పెట్టుకున్నారు.

బ్ర‌హ్మానందం, ఆయ‌న కుమారుడు రాజా గౌత‌మ్ ప్ర‌ధాన పాత్ర‌ల్లో చేస్తోన్న చిత్రం 'బ్రహ్మా ఆనందం'. ఆర్‌.వీ.ఎస్‌ నిఖిల్‌ దర్శకత్వం వహిస్తున్నారు. ప్రియా వ‌డ్ల‌మాని, ఐశ్వ‌ర్య హోల్ల‌క్క‌ల్ హీరోయిన్లుగా చేస్తున్నారు. 2024 డిసెంబ‌ర్ 6న ఈ మూవీ ప్రేక్షకుల ముందుకు రానుంది. భిన్న మనస్తత్వాలు కలిగిన తాత-మనవళ్లుగా బ్రహ్మానందం, రాజా గౌతమ్‌ ఈ మూవీలో కనిపించనున్నారు.

నాగచైతన్య హీరోగా సాయి పల్లవి హీరోయిన్‌గా నటిస్తున్న చిత్రం ‘తండేల్‌’. చందు మొండేటి దర్శకత్వంలో గీతా ఆర్ట్స్‌ బ్యానర్‌పై అల్లు అరవింద్‌ సమర్పణలో ‘బన్నీ’ వాసు నిర్మిస్తున్నారు.తండేల్ అంటే సముద్రవ్యాపార చేపల షిప్ కెప్టెన్. అంటే ఇది పూర్తిగా సముద్రం, షిప్పులు ఈ నేపథ్యంలోనే కథ సాగుతుందని అంచనా వేయవచ్చు.

వెంకటేష్‌ హీరోగా దర్శకుడు అనిల్‌ రావిపూడి తెరకెక్కిస్తున్న హ్యాట్రిక్‌ చిత్రం 'సంక్రాంతికి వస్తున్నాం'. మీనాక్షి చౌదరి, ఐశ్వర్య రాజేష్‌ కథానాయికలుగా చేస్తున్నారు. దిల్‌రాజు సమర్పణలో శిరిష్‌ నిర్మిస్తున్నారు. రాజేంద్ర ప్రసాద్‌, సాయికుమార్‌, నరేష్‌ తదితరులు కీలక పాత్రలు చేస్తున్నారు. ఈ సినిమా 2025 జనవరి 14న ప్రేక్షకుల ముందుకు రానుంది.

నందమూరి బాలకృష్ణ హీరోగా బాబీ దర్శకత్వంలో రూపొందుతున్న చిత్రం డాకు మహారాజ్. సితార ఎంటర్‌టైన్‌మెంట్‌ పతాకంపై సూర్య దేవరనాగవంశీ, సాయి సౌజన్య దీన్ని నిర్మిస్తున్నారు. బాలీవుడ్‌ నటుడు బాబీ దేవోల్‌ ఇందులో విలన్‌గా నటిస్తున్నారు. మ్యూజిక్‌ డైరెక్టర్‌ ఎస్‌.ఎస్‌ తమన్‌ పాటలు సమకూరుస్తున్నారు.

'ఆర్‌ఆర్‌ఆర్‌' వంటి గ్లోబల్‌ స్థాయి సక్సెస్‌ తర్వాత రామ్‌చరణ్‌ చేస్తున్న చిత్రం 'గేమ్‌ ఛేంజర్‌'. స్టార్‌ డైరెక్టర్‌ శంకర్‌ ఈ చిత్రాన్ని తెరకెక్కిస్తున్నారు. ‘ఒక నిజాయతీపరుడైన ఐఏఎస్ అధికారి రాజకీయ అవినీతిపై ఎలా పోరాడాడు’ అన్నది ఈ సినిమా కథ. గేమ్ ఛేంజర్ (RC15) చిత్రీకరణ కోసం రూ.450 కోట్ల బడ్జెట్ కేటాయించారు. గేమ్ ఛేంజర్ చిత్రం జనవరి 10న ప్రపంచవ్యాప్తంగా విడుదల కానుంది.

అల్లు అర్జున్‌తో ‘పుష్ప’ మూవీని తెరకెక్కించిన మైత్రీ మూవీ మేకర్స్.. తమిళ స్టార్‌ అజిత్ కుమార్‌తో కొత్త ప్రాజెక్ట్ అనౌన్స్ చేసింది. 'గుడ్‌ బ్యాడ్‌ అగ్లీ' అనే టైటిల్‌తో రూపొందనున్న ఈ చిత్రాన్ని అధిక్‌ రవిచంద్రన్‌ డైరెక్ట్‌ చేయనున్నారు. రాక్ స్టార్ దేవిశ్రీ ప్రసాద్ మ్యూజిక్ అందిస్తారు. తమిళంతో పాటు తెలుగులోనూ ఒకేసారి రిలీజ్‌ కానుంది. 2025 సంక్రాంతి బరిలో ఈ సినిమా ఉంటుందని మేకర్స్‌ ప్రకటించారు.

సందీప్‌ కిషన్ హీరోగా నక్కిన త్రినాధరావు దర్శకత్వంలో రూపొందుతున్న చిత్రం 'మజాకా'. ఏకే ఎంటర్‌టైన్ మెంట్స్, హాస్య మూవీస్, జీ స్టూడియోస్‌ పతాకాలపై రాజేష్‌ దండా ఈ సినిమా నిర్మిస్తున్నారు. లియాన్ జేమ్స్ సంగీతం అందిస్తుండగా నిజార్ షఫీ సినిమాటోగ్రఫీ బాధ్యతలు నిర్వహిస్తున్నారు. 2025 సంక్రాంతి కానుకగా ఈ సినిమా ప్రేక్షకుల ముందుకు రానుంది.

కథ కామమిషు నాలుగు జంటల జీవితాలను చూపిస్తుంది. వారి ప్రయాణంలో ఒకరి జీవితాలపై ఒకరి ప్రభావం ఉంటుంది. దీంతో వారి ప్రయాణ దిశ మారుతుంది. అనుమానాలు, భయాలు, భావోద్వేగాలు ఈ జంటల మధ్య అడ్డంకులుగా నిలుస్తాయి. మరి వారి జీవితం చివరకు ఎటువైపు ప్రయాణించింది అనేది కథ.