ఆహాలో టాప్ 10 క్రైమ్ థ్రిల్లర్ చిత్రాలు
3k+ views6 months ago
వెన్నులో వ‌ణుకుపుట్టించే ఉత్కంఠ‌భ‌రిత‌మైన క్రైమ్ థ్రిల్లర్ చిత్రాల కోసం ఎదురు చూస్తున్నారా? అయితే ఈ లిస్ట్‌ మిమ్మల్ని మెప్పించవచ్చు. ఆహాలో టాప్ 10 క్రైమ్ థ్రిల్లర్ చిత్రాలను ఇక్కడ సేకరించడం జరిగింది. క్రైమ్ థ్రిల్లర్ సినిమాల్లోని మజాను ఆస్వాదించండి.
1 . భామాకలాపం 2(ఫిబ్రవరి 16 , 2024)
U/A|హాస్యం,క్రైమ్,థ్రిల్లర్
కొత్తగా హోటల్‌ పెట్టుకున్న అనుపమ (ప్రియమణి) అనుకోకుండా ఓ సమస్యలో చిక్కుకుంటుంది. రూ.1,000 కోట్ల విలువైన కోడి పుంజు బొమ్మను దొంగిలించాల్సిన పరిస్థితి ఆమెకు ఎదురవుతుంది. ఈ క్రమంలో ఎదురైన సవాళ్లు ఏంటి? ఆ పరిస్థితి ఆమెకు ఎందుకు వచ్చింది? అన్నది కథ
2 . కోట బొమ్మాళి P.S(నవంబర్ 24 , 2023)
U/A|క్రైమ్,థ్రిల్లర్
కోట బొమ్మాళి పోలీసు స్టేషన్‌లో పని చేసే ముగ్గురు కానిస్టేబుళ్లు (శ్రీకాంత్‌, శివానీ, రాహుల్‌ విజయ్) చేయని తప్పుకు ఓ కేసులో ఇరుక్కుని అజ్ఞాతంలోకి వెళ్లిపోతారు. వీరిని పట్టుకునేందుకు ప్రభుత్వం పోలీసు ఆఫీసర్‌ వరలక్ష్మీని రంగంలోకి దింపుతుంది. వరలక్ష్మీ నుంచి తప్పించుకోవడానికి ఆ ముగ్గురు కానిస్టేబుళ్లు ఏం చేశారు? చివరికి వారు పట్టుబడ్డారా లేదా? అన్నది కథ.
3 . మా ఊరి పొలిమేర 2(నవంబర్ 03 , 2023)
U/A|క్రైమ్,హారర్,థ్రిల్లర్
ఊరిలో చెతబడులు చేస్తూ చనిపోయాడని భ్రమ పడిన కొమురయ్య(సత్యం రాజేష్) తన తొలి ప్రేయసి కవితతో కేరళకు పారిపోతాడు. మరోవైపు జంగయ్య (బాలాదిత్య) తన సోదరుడు కొమురయ్య కోసం వెతుకులాటలో ఉంటాడు. ఇంతలో కొత్త ఎస్‌ఐ రవీంద్ర నాయక్ (రాకేందు మౌళి) ఆ గ్రామం చుట్టూ ఉన్న రహస్యాలను ఛేదించడానికి జాస్తిపల్లికి వస్తాడు. ఈ క్రమంలో జరిగిన నాటకీయ పరిణామాలు ఏమిటి? గ్రామంలోని పాడుబడిన ఆలయంలోకి ప్రవేశించాలని పురావస్తు శాఖ ఎందుకు ప్రయత్నిస్తుంటుంది? అసలు గ్రామంలో వరుస మరణాలకు కొమురయ్య ఎందుకు కారణం అయ్యాడు? ఇంతకీ ఆ గుడిలో ఏముంది? జంగయ్య తన సోదరుడిని గుర్తించాడా ? లేదా? చివరికి ఏం జరిగింది ? అనేది మిగిలిన కథ
4 . కీడా కోలా(నవంబర్ 03 , 2023)
U/A|హాస్యం,క్రైమ్
ఓ కూల్ డ్రింక్ లో బొద్దింక వస్తే... కోర్టు వరకు ఆ విషయాన్ని తీసుకువెళ్తే వచ్చే డబ్బు కంటే.. సదరు కార్పొరేట్ సంస్థనే బ్లాక్ మెయిల్ చేస్తే వచ్చే డబ్బు ఎక్కువ అని భావించిన కొందరు కుర్రాళ్ళు ఎలాంటి చిక్కుల్లో పడ్డారు? అనేది కీడా కోలా కథ. ఈ చిత్రంలో బ్రహ్మానందంతో పాటు తరుణ్ భాస్కర్ ప్రధాన పాత్రల్లో నటిస్తున్నారు.
5 . కేస్ ౩౦(అక్టోబర్ 24 , 2023)
U/A|క్రైమ్,రొమాన్స్,థ్రిల్లర్
క్రైమ్ బ్రాంచ్‌ ఆఫీసర్‌ అయిన అర్జున్‌ భరద్వాజ్‌కు విచారణ నిమిత్తం ఓ మర్డర్‌ కేసును అప్పగిస్తారు. ఆ కేసును అర్జున్‌ ఎలా పరిష్కరించాడు. దర్యాప్తులో అతడికి ఎదురైన సవాళ్లు ఏంటి? అన్నది కథ.
6 . రాక్షస కావ్యం(అక్టోబర్ 13 , 2023)
U/A|యాక్షన్,క్రైమ్,థ్రిల్లర్
కాంట్రాక్ట్ కిల్లర్ అజయ్ (అభయ్ నవీన్), సినిమాల పిచ్చి ఉన్న విజయ్( అన్వేష్ మైఖేల్)కి బద్ద శత్రుత్వం ఉంటుంది. ఈ రెండు పాత్రల చుట్టే కథ తిరుగుతుంది. మరోవైపు అజయ్‌కు విద్యార్థులంటే గౌరవం ఉంటుంది. విజయ్‌ను చంపాలని అజయ్ తిరుగుతుంటాడు. అసలు వీరిద్దరి మధ్య శత్రుత్వం ఎందుకు ఉంది? దానికి కారణం ఏమిటి అనేది మిగిలిన కథ
7 . పార్టనర్(ఆగస్టు 25 , 2023)
U/A|హాస్యం,క్రైమ్,సైన్స్ ఫిక్షన్
హీరో ఆది బెస్ట్ క్లోజ్‌ ఫ్రెండ్‌ అయిన యోగిబాబు.. ఓ సైంటిస్టు ఇంటికి దొంగతనానికి వెళ్లి కొన్ని పరిస్థితుల్లో అమ్మాయి (హన్సిక)గా మారతాడు. ఆ తర్వాత ఏం జరిగింది? యోగిబాబు యువతిగా ఎందుకు మారాడు? తిరిగి సాధారణ స్థితిలోకి వచ్చాడా లేదా? అన్నది కథ.
8 . నేనే నా(ఆగస్టు 25 , 2023)
U/A|అడ్వెంచర్,క్రైమ్,మిస్టరీ,థ్రిల్లర్
దివ్య (రెజీనా) పురావస్తు శాఖలో పనిచేస్తుంటుంది. ఓ అడవిలో విదేశీయుడి శవం అదృశ్యం కావడంతో పోలీసులు దివ్య సాయాన్ని కోరతారు. అయితే ఈ కేసు అనూహ్యంగా దివ్య మెడకు చుట్టుకుంటుంది. గత జన్మలో దమయంతి (రెజీనా)కి దివ్యకు ఉన్న సంబంధం ఏంటి? దమయంతి ఎలా హత్యకు గురైంది? అన్నది కథ.
9 . మిస్టేక్(ఆగస్టు 04 , 2023)
U/A|క్రైమ్,థ్రిల్లర్
ముగ్గురు స్నేహితులకు వేర్వేరు కారణాల వల్ల నగరంలో ప్రాణిహాని ఏర్పడుతుంది. దాంతో తమ లవర్స్‌తో ట్రిప్‌కు వెళ్తారు. ఈ క్రమంలో ఓ రౌడీ వారిపై అటాక్ చేస్తాడు. అతడి నుంచి మూడు జంటలు ఎలా తప్పించుకున్నాయి? అన్నది కథ.
10 . ఒదెల రైల్వే స్టేషన్(ఆగస్టు 26 , 2022)
A|థ్రిల్లర్,క్రైమ్
అనుదీప్ (సాయి రోనక్) ఐపీఎస్‌ అధికారి. ట్రైనింగ్ కోసం ఓదెల వెళతాడు. ఈ క్రమంలో ఆ ఊరిలో వరుస హత్యాచారాలు తీవ్ర కలకలం రేపుతాయి. మరి అనుదీప్ హంతకుడ్ని పట్టుకున్నాడా? కేసు విచారణలో రాధ (హెబ్బా పటేల్‌) అతడికి ఎలా సాయపడింది? అనేది కథ.