విజయ్‌ దేవరకొండ హీరోగా ఆనంద్‌ శంకర్‌ దర్శకత్వంలో వచ్చిన పొలిటికల్‌ చిత్రం 'నోటా'. ఇందులో విజయ్ సీఎం నటించి మెప్పించాడు. కథలోకి వెళితే.. వరణ్‌ (విజయ్‌ దేవరకొండ) లండన్‌లో గేమ్ డెవలపర్‌గా పనిచేస్తుంటాడు. తన తండ్రి సీఎం వాసుదేవ్‌ (నాజర్‌) అవినీతి కేసులో అరెస్టు కావడంతో ఇండియాకు వస్తాడు. వాసుదేవ్‌ నమ్మే స్వామిజీ మాట ప్రకారం వరుణ్‌ రాష్ట్ర సీఎంగా పదవి చేపడతాడు. జర్నలిస్టు మహేందర్‌ (సత్యరాజ్‌) సాయంతో ప్రజలు మెచ్చే నాయకుడు అవుతాడు. దీంతో వాసుదేవ్‌ ఎలాగైన వరుణ్‌ను పదవిలో నుంచి దించేయాలని చూస్తాడు. తన తండ్రి ఎత్తులకు పైఎత్తు వేసి వరుణ్‌ తన పదవిని ఎలా కాపాడుకున్నాడన్నది అసలు కథ.

పరుశురామ్‌ దర్శకత్వంలో ‘గీతా గోవిందం’ సినిమా తెరకెక్కింది. ఇందులో విజయ్‌ దేవరకొండ సరసన రష్మిక హీరోయిన్‌గా చేసింది. ఈ చిత్రాన్ని అల్లు అరవింద్‌ గీతా ఆర్ట్స్‌ పతాకంపై నిర్మించారు. గోపీ సుందర్ స్వరాలు సమకూర్చారు. ఈ మూవీలో విజయ్ లుక్స్‌ యూత్‌ను ఎంతగానో ఆకట్టుకున్నాయి.

విజయ్‌ దేవరకొండ కెరీర్‌లోనే బిగ్గెస్ట్‌ హిట్‌గా ‘అర్జున్‌ రెడ్డి’ నిలిచింది. ఈ సినిమా విజయంతో విజయ్‌ కెరీర్‌ పూర్తిగా మారిపోయింది. సందీప్‌ రెడ్డి వంగా దర్శకత్వం వహించిన ఈ సినిమాలో షాలిని పాండే హీరోయిన్‌గా చేసింది. ప్రియదర్శి, రాహుల్‌ రామకృష్ణ, కమల్‌ కామరాజు, జియా శర్మ, సంజయ్ స్వరూప్ కీలక పాత్రలు పోషించారు.