సాంప్రదాయ బ్రాహ్మణ కుటుంబంలో పుట్టిన ఆరాధ్య (సమంత)ను క్రిస్టియన్ అబ్బాయి విప్లవ్‌కు ఇచ్చి వివాహం చేసేందుకు ఆమె తండ్రి చంద్రరంగం (మురళీశర్మ) ఒప్పుకోడు. ఈ పెళ్లికి విప్లవ్ కుటుంబ సభ్యులు కూడా అంగీకరించరు. దీంతో పెద్దలను ఎదిరించి మరీ విప్లవ్, ఆరాధ్య ఒక్కటవుతారు. అంతా సాఫీగా సాగిపోతుందని అనుకున్న సమయంలో విప్లవ్, ఆరాధ్యల మధ్య కొత్త సమస్యలు వస్తాయి. అసలు విప్లవ్, ఆరాధ్యలకు వచ్చిన సమస్యేంటి? దాని నుంచి వారు ఎలా బయటపడ్డారు? అన్నది మిగిలిన కథ.

బ్రాహ్మణ కుటుంబానికి చెందిన సుందర్‌ (నాని) ఇంకో మతానికి చెందిన లీల (నజ్రియా నజీమ్‌)ను ప్రేమిస్తాడు. భిన్నమైన సంప్రదాయాలు కలిగిన ఈ జంట పెళ్లి కోసం కుటుంబ సభ్యులతో అబద్దం ఆడతారు. దాని వల్ల ఎలాంటి ఇబ్బందులు పడ్డారన్నది కథ.

హర్ష (అఖిల్‌) ఎంతో మంది పెళ్లి కూతర్లని చూస్తాడు. అందులో ఒకరైన విభ (పూజా హెగ్డే) హర్షకు బాగా నచ్చుతుంది. కానీ విభ రిజెక్ట్ చేస్తుంది. దానికి కారణం ఏమిటి? హర్ష ఆమెను పెళ్లికి ఎలా ఒప్పించాడు? ఈ క్రమంలో ఎదురైన పరిస్థితులు ఏంటి? అన్నది కథ.

రాధిక జ్ఞాపకాల నుంచి బయటపడుతున్న టిల్లు జీవితంలోకి ఆమె అప్‌డేటెడ్‌ వెర్షన్‌ లిల్లీ జోసెఫ్‌ వస్తుంది. బర్త్‌డే స్పెషల్‌గా ఓ కోరిక కోరుతుంది. ఆ తర్వాత టిల్లు లైఫ్‌ ఎలాంటి టర్న్‌ తీసుకుంది? మాఫియా డాన్ వీరి మధ్యకు ఎందుకు వచ్చాడు? టిల్లు లైఫ్‌లోకి రాధికా మళ్లీ వచ్చిందా? లేదా? అన్నది కథ.

మాస్టర్ చెఫ్‌ అయిన అన్విత రవళి తల్లి అనారోగ్యంతో చనిపోతుంది. ఈక్రమంలో ఓ కీలక నిర్ణయం తీసుకుంటుంది. పెళ్లిచేసుకోవద్దని నిశ్చయించుకుంటుంది. సాఫ్ట్‌వేర్ ఉద్యోగి అయిన సిద్దు పొలిశెట్టిస్టాండప్ కమెడియన్‌గా అలరిస్తుంటాడు. అన్విత అతని కామెడీ ఇష్టపడుతుంటుంది. ఈక్రమంలో సిద్దూ ఆమెతో ప్రేమలో పడతాడు. అన్విత తన నుంచి ఏమి ఆశిస్తుందో చెప్పినప్పుడు సిద్దూ షాక్‌కు గురవుతాడు. ఇంతకు అన్విత సిద్ధుని ఏం అడిగింది? అందుకు సిద్ధు అంగీకరించాడా? అన్నది మిగతా కథ.

ధమాకా చిత్రంలో రవితేజ ద్విపాత్రాభినయం చేస్తున్నాడు. ఒకరు ధనవంతుడు, మరొకరు మధ్యతరగతి వ్యక్తి. ధనవంతుడు రవితేజ ఆస్తిని లాక్కోవడానికి జయరామ్‌ ప్రయత్నిస్తాడు. రవితేజ తన ఆస్తిని, కుటుంబాన్ని ఎలా కాపాడుకున్నాడు అనేది మిగతా కథ.

మనోజ్(రామ్ నితిన్), అశోక్ (నార్నె నితిన్), దామోదర్(సంగీత్ శోభన్) మంచి స్నేహితులు. రాయల్ ఇనిస్టిట్యూట్ ఆఫ్ ఇంజినీరింగ్ కళాశాల(RIE)లలో చదువుతుంటారు. ఇక మనోజ్.. శృతి(గౌరి)ని ప్రేమిస్తుంటాడు. జెన్నీ(అనంతిక) అశోక్‌ను ఇష్టపడుతుంటుంది. దామోదర్ (డీడీ)కు గుర్తుతెలియని అమ్మాయి ప్రేమ లేఖలు రాయడంతో అతడు ఆమె ప్రేమలో పడతాడు. ఇలా వెన్నెల అనే అమ్మాయిని చూడకుండానే నాలుగేళ్లు గడిపేస్తాడు డీడీ. ఇంతకీ వెన్నెల ఎవరు?. ఆమెను వెతికే క్రమంలో డీడీకి తెలిసిన నిజం ఏంటీ? మనోజ్‌, అశోక్‌, దామోదర్‌ తమ ప్రేమను గెలిపించుకున్నారా? అనేది మిగతా కథ.

భీష్మ ఆర్గానిక్స్ కంపెనీ ఉద్యోగి అయిన చైత్ర(రష్మిక)ను భీష్మ(నితిన్) ప్రేమిస్తాడు. ఆమెను ప్రేమించే క్రమంలో సేంద్రీయ వ్యవసాయంపై ఇష్టం పెంచుకుంటాడు. ఇదే సమయంలో భీష్మ ఆర్గానిక్స్‌కు ఓ సమస్య వచ్చిపడుతుంది. ఆ కంపెనీతో ఏ సంబంధం లేని భీష్మ ఎలా పరిష్కరించాడు అనేది కథ.

తన కుటుంబ జీవితం పట్ల విరక్తి చెందిన 70 ఏళ్ల వృద్ధురాలు.. ఇంటి నుంచి బయటకు రావడంతో ఆమె జీవితంలో వింతలు జరుగుతాయి. ఆ వింతలేంటి అనేది కథ

నలుగురు యువకులు చిన్నప్పటి నుంచి స్నేహం కోసమే బ్రతుకుతుంటారు. అయితే వారిలో ఒకరు క్యాన్సర్‌ బారిన పడతారు. ట్రీట్‌మెంట్‌కు రూ.30 లక్షలు అవసరమవుతాయి. అప్పుడు వారేం చేశారు? అన్నది కథ.

మల్టిపుల్ పెర్సనాలిటీ డిసార్డర్ అనే వ్యాధితో బాధపడే కాళి అనే అమ్మాయి తనలో కలిగే ఒక్కో ఫీలింగ్‌కు ఒక్కో క్యారెక్టర్‌ను సృష్టించుకుంటూ పోతుంది. ఆ పాత్రల ద్వారా తన భావాలను చెప్పే ప్రయత్నం చేస్తుంది. ఆ తర్వాత ఏం జరిగిందన్నది కథ.

తన కొడుకును అమెరికా పంపించాలని నారాయణ కలగంటాడు. ఇంతలో కిషోర్ వీసా తిరస్కరించబడుతుంది. కాలక్రమంలో కిషోర్ గర్భిణీ స్త్రీల కోసం ఒక ఉత్పత్తిని కనుగొంటాడు. ఆ క్షణం నుంచి కిషోర్ జీవితం ఎలాంటి మలుపులు తిరిగింది అనేది కథ

పెళ్లి బంధం ఎర్పరుచుకోవాలనే మనస్తత్వం ఉన్న అబ్బాయి... కేవలం లివ్‌- ఇన్‌- రిలేషన్‌ షిప్‌తోనే జీవితం సాగించాలనుకునే మనస్తత్వం ఉన్న అమ్మాయి మధ్య ప్రేమ పుడితే ఆ బంధం ఎలా ఉంటుందనేదే ఈ సినిమా కథ

సంప్రదాయ కుటుంబానికి చెందిన హారతి హరితో ప్రేమలో పడుతుంది. తమ పెళ్లికి అంగీకరించని ఆమె తండ్రిని ఒప్పించేందుకు ఓ ప్లాన్ వేస్తుంది. ఆ ప్లాన్ ఏంటీ అనేది కథ.

రిషి (వైష్ణవ్‌ తేజ్‌), రాధ (కేతిక శర్మ)కు ఒకరంటే ఒకరికి ప్రాణం. కానీ, ఇగో వల్ల వారు మాట్లాడుకోరు. వీరి ఇగో చల్లారుతున్న క్రమంలోనే ప్రాణ స్నేహితులుగా ఉన్న వీరి కుటుంబాల మధ్య గొడవలు మెుదలవుతాయి. మరి రిషి, రాధ ఒక్కటయ్యారా? లేదా? అనేది కథ.

1997 సంవత్సరంలో వికీ (రాజ్ కుమార్ రావు), విద్యా (త్రిప్తి డిమ్రీ) ఇద్దరు పెళ్లి చేసుకొంటారు. ఫస్ట్‌ నైట్‌ మధుర జ్ఞాపకాలను ఓ సిడీలో బంధిస్తారు. అయితే అనూహ్యంగా ఆ సీడీ దొంగతనానికి గురవుతుంది. ఆ తర్వాత ఆ ఇద్దరి దంపతుల పరిస్థితి ఏంటి? అన్నది స్టోరీ.

జాస్మిన్‌ (కరీనా), గీతా (టబు), దివ్య (కృతి సనన్‌) కోహినూర్‌ ఎయిర్‌లైన్స్‌లో ఎయిర్‌హోస్టెస్‌గా చేస్తుంటారు. ఆర్థిక సమస్యల వల్ల యాజమాన్యం కొన్ని నెలలుగా వారికి జీతాలు చెల్లించదు. ముగ్గురికి డబ్బు అవసరం పడటంతో దాన్ని సంపాదించేందుకు అక్రమ మార్గాన్ని ఎంచుకుంటారు. చివరికీ ఏమైంది? అన్నది కథ.

ఎమ్మెల్యే మున్నాలాల్‌ తోటలో కాసిన రెండు పనస కాయలు చోరీకి గురవుతాయి. ఈ కేసు విషయమై ఇన్‌స్పెక్టర్‌ మహిమ (సన్యా మల్హోత్రా) తోటమాలిని అదుపులోకి తీసుకొని విచారించగా అతడి కూతురు మిస్‌ అయినట్లు తెలుస్తుంది. దీంతో గర్ల్‌ మిస్సింగ్‌ కేసుపై మహిమ దృష్టిసారిస్తుంది. ఇంతకీ ఆ అమ్మాయిని కిడ్నాప్‌ చేసింది ఎవరు? ఆమె మిస్సింగ్‌ వెనకున్న రహాస్యం ఏంటి? అన్నది స్టోరీ.

ఓ కుటుంబంలోని సభ్యులు పాతకాలం నాటి ఓ కార్డ్ గేమ్ ఆడతారు. గేమ్ వల్ల అనుకోకుండా మధ్యయుగం నాటి కాలానికి వెళ్లిపోతారు. అక్కడ తోడేళ్ల నుంచి వారికి సవాళ్లు ఎదురవుతాయి. వాటితో వారు ఎలా పోరాడారు? ప్రస్తుత కాలానికి వారు రాగలిగారా? లేదా? అన్నది స్టోరీ.

శిక్షణ కోసం పోలీసు అకాడమీలో చేరిన షాలిని (నివేతా థామస్‌), దామిని (రెజీనా) స్నేహితులవుతారు. రౌడీ మూక ఓ అమ్మాయిని కిడ్నాప్‌ చేయడం వారు చూస్తారు. వారి వెనక పెద్ద ముఠా ఉందని తెలుసుకుంటారు. తమ శిక్షణను ఉపయోగించుకొని వారు ఆ ముఠాతో ఎలా పోరాడారు? అన్నది కథ.