మెగాస్టార్ చిరంజీవి గత నాలుగు దశాబ్దాలుగా తెలుగు ప్రేక్షకులను అలరిస్తున్నారు. ఈ సుదీర్ఘ సినీ ప్రయాణంలో క్యారెక్టర్ ఆర్టిస్ట్‌గా ఇండస్ట్రీలోకి అడుగుపెట్టి మెగాస్టార్‌ స్థాయికి ఎదిగి ఎంతో మందికి ఆదర్శంగా నిలిచారు. దాదాపు 2 దశాబ్దాలు తెలుగు ఇండస్ట్రీని శాసించారు. ఆయన కెరీర్‌లో గెలుపోటములతో సంబంధం లేకుండా ఎన్నో మరుపురాని చిత్రాలను సినీ ప్రియులకు అందించారు. తనదైన డ్యాన్స్‌, మ్యానరిజంతో ప్రత్యేక గుర్తింపు తెచ్చుకున్నారు. తెలుగు ప్రేక్షకుల చేత అన్నయ్య అని పిలిపించుకున్నారు. ఈ క్రమంలో చిరంజీవిని మెగాస్టార్‌ను చేసిన టాప్ చిత్రాలను ఓసారి పరిశీలిద్దాం.