అభిరామి దక్షిణాదికి చెందిన ప్రముఖ నటి. కేరళలోని త్రివేండ్రంలో 1983 జూలై 26న జన్మించారు. ఆమె అసలు పేరు దివ్య గోపికుమార్‌. సినిమాల్లోకి వచ్చాక అభిరామిగా మార్చుకున్నారు. 'కథాపురుషన్' (1995) అనే మలయాళ చిత్రంతో బాలనటిగా తెరంగేట్రం చేశారు. 'థ్యాంక్యూ సుబ్బారావు' (2002) చిత్రంతో హీరోయిన్‌గా తెలుగులో అడుగుపెట్టారు. 'చెప్పవే చిరుగాలి' (2004) సినిమాతో మంచి గుర్తింపు తెచ్చుకున్నారు. నాని నటించిన 'సరిపోదా శనివారం' చిత్రంలో తల్లిగా నటించి ఆకట్టుకున్నారు. తెలుగు, తమిళం, కన్నడ, మలయాళ భాషల్లో 40 పైగా చిత్రాల్లో అభిరామి నటించారు.