ఆదిత్య ఓం ప్రముఖ నటుడు, డైరెక్టర్‌. 1980 అక్టోబర్‌ 5న యూపీలో జన్మించారు. కెరీర్‌ తొలినాళ్లలో స్టేజ్‌ నాటకాలు, హిందీ సీరియల్స్‌లో నటించారు. తెలుగు చిత్రం 'లాహిరి లాహిరి లాహిరిలో' (2002)తో వెండి తెరపై అడుగుపెట్టారు. 'ధనలక్ష్మి ఐ లవ్ యు', 'ఒట్టు ఈ అమ్మాయెవరో తెలీదు!', 'ప్రేమించుకున్నాం పెళ్ళికి రండి' చిత్రాలతో తెలుగులో గుర్తింపు తెచ్చుకున్నాడు. టాలీవుడ్‌లో 24 పైగా చిత్రాల్లో ఆదిత్య ఓం నటించారు. ఉర్దూ, హిందీ, ఇంగ్లీషు భాషల్లో మరో ఆరు చిత్రాలు చేశారు. దర్శకుడిగానూ మారి 'మిస్టర్‌ లోన్లీ', 'బందూక్‌', హూ కిల్డ్‌ రాజీవ్‌?, 'మైలా', 'సాంట్‌ తుకారం' చిత్రాలను తెరకెక్కించారు. బిగ్‌బాస్‌ తెలుగు 8 సీజన్‌లో పాల్గొని మరోమారు తెలుగు ఆడియన్స్‌ దృష్టిని ఆకర్షించారు.