
అజ్మల్ అమీర్
జననం : నవంబర్ 08 , 1985
ప్రదేశం: అలువా, కేరళ, భారతదేశం
అజ్మల్ అమీర్ ప్రముఖ దక్షిణాది చలన చిత్ర నటుడు. అతను ప్రధానంగా తమిళ్, తెలుగు, మలయాళం చిత్రాల్లో నటిస్తున్నాడు. టాలీవుడ్లో రచ్చ సినిమా ద్వారా తెరంగేట్రం చేశాడు. వ్యూహం సినిమాలో ఏపీ మాజీ ముఖ్యమంత్రి జగన్మోహన్ రెడ్డి పాత్రలో నటించి మంచి గుర్తింపు పొందాడు. ఉక్రెయిన్లో మెడిసిన్ చదివిన అజ్మల్ నటనపై ఆసక్తితో సినిమా రంగం వైపు మళ్లాడు. ఫిబ్రవరి 14 అనే తమిళ్ సినిమాలో చిన్న పాత్ర ద్వారా వెండి తెరపై మెరిశాడు. ఆ తర్వాత అంజాతే, కో చిత్రాలు అతనికి నటుడిగా మంచి గుర్తింపు ఇచ్చాయి.
అజ్మల్ అమీర్ వయసు ఎంత?
అజ్మల్ అమీర్ వయసు 39 సంవత్సరాలు
అజ్మల్ అమీర్ అభిరుచులు ఏంటి?
సినిమాలు చూడటం, సంగీతం వినడం
అజ్మల్ అమీర్ ఏం చదువుకున్నారు?
MBBS
అజ్మల్ అమీర్ ఏ విద్యాసంస్థల్లో చదువుకున్నారు?
నేషనల్ పైరొవ్గోవ్ మెడికల్ యూనివర్శిటీ, ఉక్రెయిన్, నిర్మలా హయ్యర్ సెకండరీ స్కూల్, అలువా, కేరళ.
అజ్మల్ అమీర్ రిలేషన్లో ఉంది ఎవరు?
అజ్మల్ అమీర్కు ఎలాంటి అఫైర్స్ లేవు.
అజ్మల్ అమీర్ ఇప్పటివరకూ చేసిన తెలుగు చిత్రాలు ఏవి?
అజ్మల్ అమీర్ తెలుగులో రచ్చ,వెన్నెల్లో హై హై, అభినేత్రి2, అమ్మరాజ్యంలో కడప బిడ్డలు, వ్యూహం, మంగళవారంసినిమాల్లో నటించాడు
అజ్మల్ అమీర్ In Sun Glasses
అజ్మల్ అమీర్ అన్ కేటగిరైజ్డ్ ఇమేజెస్
కథనాలు

Vyooham Movie Review: పవన్, చిరంజీవి మధ్య డైలాగ్స్ నవ్వులు పూయిస్తాయి.. సినిమా ఎలా ఉందంటే?
నటీనటులు : అజ్మల్ అమీర్, మానస రాధాక్రిష్ణన్, రేఖా నిరోషా, సురభి పద్మావతి, ధనుంజయ్ ప్రభూనే, కోటా జయరామ్, ఎలెనా టుతేజా తదితరులు
దర్శకుడు : రామ్గోపాల్ వర్మ
సంగీతం : బాలాజీ
సినిమాటోగ్రఫీ : సజీష్ రాజేంద్రన్
ఎడిటింగ్ : మనీష్ థాకూర్
నిర్మాత : దాసరి కిరణ్ కుమార్
టాలీవుడ్ సెన్సేషనల్ డైరెక్టర్ రామ్ గోపాల్ వర్మ (Ram Gopal Varma) తెరకెక్కించిన వ్యూహం (Vyooham) సినిమా నేడు (మార్చి 2) ప్రపంచ వ్యాప్తంగా విడుదలైంది. ఎన్నో అడ్డంకులను ఎదుర్కొని తెలుగు రాష్ట్రాల్లో భారీ ఎత్తున థియేటర్లలోకి వచ్చేసింది. అజ్మల్, మానస ముఖ్య తారలుగా రామ్గోపాల్ వర్మ దర్శకత్వంలో ఈ చిత్రం రూపొందింది. రామధూత క్రియేషన్స్ పతాకంపై దాసరి కిరణ్కుమార్ దీనిని నిర్మించారు. మరి ఈ సినిమా ఎలా ఉంది? ప్రేక్షకులను మెప్పించిందా? ఇప్పుడు చూద్దాం.
కథ
వైఎస్ రాజశేఖర్ రెడ్డి మరణించిన సమయం నుంచి వైఎస్ జగన్ ముఖ్యమంత్రి అయ్యే వరకు చోటుచేసుకున్న సంఘటనల సమాహారమే వ్యూహాం(Vyooham Movie Review in Telugu) కథ. జగన్ను అప్రతిష్టపాలు చేయడానికి సీబీఎన్ (ధనుంజయ్ ప్రభునే), పవన్ పాత్రలు చేసిన ప్రయత్నాలు ఏంటి? వారి కుయుక్తులను ఎదుర్కొని జగన్ ఎలా నిలబడ్డాడు? ప్రజల అండతో ఏపీ సీఎం పీఠాన్ని ఎలా అధిరోహించాడు? పవన్ మేలు కోసం చిరంజీవి ఇచ్చిన సలహాలు ఏంటి? ఈ క్రమంలో ఏపీ రాజకీయాల్లో చోటుచేసుకున్న క్రియాశీలక మార్పులు ఏంటి? అన్నది స్టోరీ.
ఎవరెలా చేశారంటే
వైఎస్ జగన్ పాత్రలో అజ్మల్ అమీర్ పరకాయ ప్రవేశం చేశాడు. తన నటన, హావభావాలతో జగన్ను దించేశాడు. ఈ సినిమా మెుత్తం అజ్మల్ చుట్టే తిరుగుతుంది. భావద్వేగ సన్నివేశాల్లో అజ్మల్ చాలా బాగా ప్రభావం చూపించాడు. ఇక జగన్ భార్య భారతి పాత్రలో మానస రాధాక్రిష్ణన్ మెప్పించింది. చంద్రబాబు పాత్రలో కనిపించిన ధనుంజయ్ ప్రభునే సినిమా మెుత్తం సీరియస్ లుక్లో కనిపించాడు. చిరంజీవి, పవన్ పాత్రలు చేసిన వారు, తదితరులు తమ పాత్ర పరిధి మేరకు నటించారు.
డైరెక్షన్ ఎలా ఉందంటే
దర్శకుడు రామ్గోపాల్ వర్మ (Ram Gopal Varma).. ఈ సినిమా ద్వారా తెర వెనుక రాజకీయాలను తన దృష్టికోణంలో బహిర్గతం చేసే ప్రయత్నం చేశారు. జగన్ పాత్రకు పాత్రకు మైలేజ్ ఇస్తూ.. చంద్రబాబు, పవన్ నెగిటివ్గా చూపించారు. చిరంజీవి, పవన్ పాత్రల మధ్య వచ్చే సంభాషణలు నవ్వులు(Vyooham Movie Review in Telugu) పూయిస్తాయి. అయితే సినిమాను నడిపించడం కంటే విమర్శించడం పైనే ఆర్జీవీ దృష్టి పెట్టారు. కథ, కథనంపై కూడా శ్రద్ధ వహించి ఉంటే బాగుండేది. ముఖ్యంగా సెకండాఫ్ను చాాలా డ్రాగ్ చేసినట్లు అనిపిస్తుంది. కమర్షియల్ హంగులు ఉన్న సినిమాను కోరుకునే వారికి వ్యూహాం అంతగా రుచించకపోవచ్చు. ఓ వర్గం వారిని మాత్రమే ఈ సినిమా మెప్పిస్తుంది.
టెక్నికల్గా
టెక్నికల్ అంశాల విషయానికి వస్తే.. బాలాజీ అందించిన నేపథ్యం సంగీతం ఆకట్టుకుంటుంది. సజీష్ రాజేంద్రన్ కెమెరా పని తనం మెప్పిస్తుంది. నిర్మాణ విలువలు కూాడా సినిమాకు తగ్గట్లు బాగానే ఉన్నాయి.
ప్లస్ పాయింట్స్
అజ్మల్ అమీర్ నటననేపథ్య సంగీతం
మైనస్ పాయింట్స్
కమర్షియల్ హంగులు లేకపోవడంద్వితీయార్థంసాగదీత సీన్లు
Telugu.yousay.tv Rating : 2.5/5
మార్చి 02 , 2024
Buddy Movie Review: అల్లు శిరీష్ ‘బడ్డీ’ ప్రయోగం ఫలించిందా?
నటీనటులు : అల్లు శిరిష్, గాయత్రి భరద్వాజ్, ప్రిషా సింగ్, అజ్మల్ అమీర్, శ్రీరామ్ రెడ్డి, మహమ్మద్ అలీ, ముకేష్ కుమార్ తదితరులు
డైరెక్టర్ : సామ్ ఆంటోన్
సంగీతం : హిప్హాప్ తమీజా
సినిమాటోగ్రఫీ : క్రిష్ణన్ వసంత్
ఎడిటర్ : రూబెన్
నిర్మాత : కే.ఈ. జ్ఞానవేల్ రాజా
విడుదల తేదీ : ఆగస్టు 2, 2024
మెగా హీరో అల్లు శిరీష్ (Allu Sirish) చాలా గ్యాప్ తర్వాత నటించిన చిత్రం 'బడ్డీ' (Buddy Movie Review). గాయత్రి భరద్వాజ్ (Gayathri Bharadwaj), ప్రిషా సింగ్ (Prisha Singh) హీరోయిన్లుగా చేశారు. శామ్ ఆంటోన్ (Sam Antone) దర్శకత్వం వహించిన ఈ చిత్రాన్ని స్టూడియో గ్రీన్ ఫిల్మ్స్ బ్యానర్పై కేఈ జ్ఞానవేల్ రాజా నిర్మించారు. అడ్వెంచర్, యాక్షన్ జానర్లో రూపొందిన ఈ చిత్రం ఆగస్టు 2న ప్రేక్షకుల ముందుకు వచ్చింది. మరి ఈ సినిమా ఎలా ఉంది? అల్లు శిరీష్కు సక్సెస్ అందించిందా? ఈ రివ్యూలో తెలుసుకుందాం.
కథేంటి
ఆదిత్య రామ్ (అల్లు శిరిష్) పైలెట్గా చేస్తుంటాడు. వైజాగ్లో ఎయిర్ ట్రాఫిక్ కంట్రోలర్గా పనిచేసే పల్లవి (గాయత్రి భరద్వాజ్) అతడ్ని ప్రేమిస్తుంది. ఆదిత్య కూడా చూడకుండానే ఆమెతో ప్రేమలో పడతాడు. ఇద్దరు కలుసుకోవాలని అనుకుంటున్న సమయంలో ఊహించని పరిణామాలు జరుగుతాయి. పల్లవి మెడికల్ మాఫియా వలలో చిక్కుకొని కిడ్నాప్ అవుతుంది. కోమాలోకి వెళ్తుంది. ఆ స్థితిలో ఆమె ఆత్మ ఒకప్పుడు ఆదిత్య గిఫ్ట్గా ఇచ్చిన టెడ్డీలోకి వెళ్తుంది. అలా ఆమె ఆత్మ టెడ్డీ ద్వారా ఆదిత్యను ఎలా కలిసింది? విలన్ల వద్ద ఉన్న తన బాడీని ఆదిత్య సాయంతో ఎలా పొందింది? ఇందుకు ఆదిత్య, టెడ్డీ చేసిన పోరాటం ఏంటి? అసలు పల్లవి బాడీని విలన్ గ్యాంగ్ ఏం చేయాలని అనుకుంది? అన్నది స్టోరీ.
ఎవరెలా చేశారంటే
ఆదిత్య పాత్రలో అల్లు శిరీష్ అద్భుత నటన కనబరిచాడు. యాక్షన్స్ సీక్వెన్స్లో అదరగొట్టాడు. నటుడిగా ఈ సినిమాలో గొప్ప పరిణితిని సాధించాడు. అటు గాయత్రి భరద్వాజ్ తన గ్లామర్తో ఆకట్టుకుంది. స్క్రీన్పై కనిపించినంత సేపు ఆడియన్స్ను కనువింద్ చేసింది. విలన్గా అజ్మల్ అమీర్ ఆకట్టుకున్నాడు. అల్లు శిరీష్ను ఢీకొట్టే పాత్రలో అతడి నటన మెప్పిస్తుంది. సెకండ్ హీరోయిన్ ప్రిషా సింగ్ ఎయిర్ హోస్టెస్గా అలరించింది. ఇతర నటీనటులు తమ పరిధి మేరకు నటించి ఆకట్టుకున్నారు.
డైరెక్షన్ ఎలా ఉందంటే
దర్శకుడు శామ్ ఆంటోన్ విభిన్నమైన కథతో ఈ సినిమాను తెరకెక్కించే ప్రయత్నం చేశారు. అల్లు శిరిష్, గాయత్రి భరద్వాజ్ మధ్య లవ్ ట్రాక్ను చాలా అందంగా తెరకెక్కించారు. దూరంగా ఉంటూనే వారిద్దరి మధ్య వచ్చే సన్నివేశాలు యూత్కు మంచి ఎంటర్టైనింగ్గా అనిపిస్తాయి. మూవీ మధ్యలో వచ్చే ‘కల్కి’, ‘జై బాలయ్య స్లోగన్స్’ ఆడియన్స్లో జోష్ను తీసుకొచ్చాయి. బడ్డీతో కలిసి అల్లు శిరీష్ చేసే యాక్షన్ సీక్వెన్స్ మెప్పిస్తాయి. అయితే తర్వాత ఏం జరుగుతుందోనన్న క్యూరియాసిటీని రగిలించడంతో డైరెక్టర్ ఫెయిల్ అయ్యాడు. ముందే ప్రిడిక్ట్ చేసేలా సన్నివేశాలు ఉన్నాయి. అక్కడక్కడ వచ్చే అసందర్బమైన కామెడీ ప్రేక్షకులకు విసుగు తెప్పించింది. కీలకమైన క్లైమాక్స్లో అనవసరంగా హాస్యాన్ని ఇరికించే ప్రయత్నం చేశారు.
టెక్నికల్గా
సాంకేతిక అంశాలను పరిశీలిస్తే హిప్హాప్ తమీజా అందించిన నేపథ్య సంగీతం బాగుంది. సాంగ్స్ మాత్రం పెద్దగా ఆకట్టుకోవు. క్రిష్ణన్ వసంత్ కెమెరా పనితనం మెప్పిస్తుంది. ఎడిటర్ రూబెన్ తన కత్తెరకు ఇంకాస్త పని కల్పించి ఉంటే బాగుండేది. గ్రాఫిక్స్ డిపార్ట్మెంట్ కూడా బెటర్ ఔట్పుట్ ఇచ్చుంటే సినిమాకు ప్లస్ అయ్యేది. నిర్మాణ విలువలు పర్వాలేదు.
ప్లస్ పాయింట్
అల్లు శిరీష్ నటనలవ్ ట్రాక్బడ్డీతో చేసే యాక్షన్ సీక్వెన్స్
మైనస్ పాయింట్స్
స్క్రీన్ప్లేకొరవడిన క్యూరియాసిటీ కొన్ని బోరింగ్ సీన్స్
Telugu.yousay.tv Rating : 2.5/5
ఆగస్టు 02 , 2024
Mangalavaaram Review: ‘మంగళవారం’లో పాయల్ కెరీర్ బెస్ట్ నటన.. మరి సినిమా హిట్టా? ఫట్టా?
నటీనటులు: పాయల్ రాజ్పూత్, నందిత శ్వేత, దివ్య పిళ్లై, అజ్మల్ అమిర్, రవీంద్ర విజయ్, కృష్ణ చైతన్య, అజయ్ ఘోష్ తదితరులు
దర్శకత్వం: అజయ్ భూపతి
సంగీతం: అజనీష్ లోకనాథ్
ఎడిటింగ్: మాధవ్ కుమార్ గుళ్లపల్లి
సినిమాటోగ్రఫీ: శివేంద్ర దాశరథి
నిర్మాత: స్వాతిరెడ్డి గునుపాటి, సురేష్ వర్మ
విడుదల: 17-11-2023
‘RX 100’ సినిమాతో సినీప్రియుల్ని మెప్పించిన దర్శకుడు అజయ్ భూపతి. ఆ సినిమాతోనే నటి పాయల్ రాజ్పూత్ కూడా తెలుగు వారికి దగ్గరైంది. తిరిగి వారి కాంబోలోనే తేరకెక్కిన లేటెస్ట్ మూవీ ‘మంగళవారం’. డార్క్ థ్రిల్లర్గా రూపొందిన ఈ చిత్రంపై అందరిలోనూ ఆసక్తి పెరిగింది. ఇటీవల రిలీజైన టీజర్, ట్రైలర్లు ఈ ఆసక్తిని మరింత పెంచింది. అల్లు అర్జున్ వంటి స్టార్ ఈ చిత్ర ప్రచార కార్యక్రమాల్లో పాల్గొనడంతో సినిమాపై అంచనాలు భారీగా పెరిగిపోయాయి. మరి ఈ మంగళవారం కథేంటి? తెరపై ఎలాంటి వినోదాన్ని పంచింది? పాయల్- అజయ్లకు విజయాన్ని అందించిందా? ఈ కథనంలో చూద్దాం.
కథ
మహాలక్ష్మీపురంలోని ఓ జంట మధ్య అక్రమ సంబంధం ఉందని ఊరి గోడలపై రాతలు కనిపిస్తాయి. ఆ జంట అనూహ్య పరిస్థితుల్లో చనిపోతుంది. మరో జంటకి కూడా అదే పరిస్థితి ఎదురై చనిపోవడంతో ఊరి ప్రజల్లో భయం మొదలవుతుంది. మంగళవారం రోజునే ఈ మరణాలు చోటుచేసుకోవడంతో గ్రామదేవత మాలచ్చమ్మ జాతర జరిపించకపోవడమే ఇందుకు కారణమని ఊరి ప్రజలు భావిస్తారు. అయితే ఈ మిస్టరీ మర్డర్స్ వెనుక ఏదో కుట్ర ఉందని ఎస్ఐ (నందితాశ్వేత) భావిస్తుంది. కానీ, ఊరి జమీందారు ప్రకాశం (చైతన్య కృష్ణ) మాటలకు కట్టుబడి ఇమె ఇన్వేస్టిగేషన్కు ఎవరూ సరిగా సహకరించరు. మరి ఆ హత్యలకు వెనుక ఉన్న మర్మం ఏమిటి? దెయ్యం రూపంలో శైలు (పాయల్ రాజ్పుత్) తిరుగుతోందని ఊరి ప్రజలు ఎందుకు భ్రమపడ్డారు? ఈ హత్యలకు శైలుకు సంబంధం ఉందా? మహాలక్ష్మీపురం నుంచి ఆమె వెలివేయబడటానికి కారణం ఏమిటి? అన్నదే మంగళవారం సినిమా కథ.
ఎలా సాగిందంటే?
సినిమాలో తొలి 15 నిమిషాలు శైలు చిన్నతనం, రవితో ఆమె ప్రేమకథ, అతడి కుటుంబ నేపథ్యం చుట్టూ సాగుతుంది. ఆ తర్వాత కథ వర్తమానంలోకి వస్తుంది. జంటల పేర్లు ఎవరో అజ్ఞాత వ్యక్తి ఊరి గోడలపై రాయడం.. వారంతా గ్రామ దేవతకు ఇష్టమైన మంగళవారం రోజునే చనిపోవడం తొలి భాగంలో చూపిస్తారు. ముఖ్యంగా విరామ సన్నివేశాలు తొలి భాగంలో థ్రిల్ ఇస్తాయి. ద్వితీయార్ధం మళ్లీ శైలు గతంతోనే మొదలవుతుంది. శైలుకు జరిగిన అన్యాయం, ఆమెకున్న మానసిక రుగ్మత, దానివల్ల తను పడే యాతన రెండో పార్ట్లో చూపించారు. పతాక సన్నివేశాలు మంచి ట్విస్ట్లతో ఆసక్తికరంగా ఉంటాయి.
ఎవరెలా చేశారంటే?
శైలు పాత్రలో పాయల్ చక్కగా ఒదిగిపోయింది. గ్లామర్తో పాటు నటనలోనూ అదరగొట్టింది. భావోద్వేగభరిత సన్నివేశాల్లో చక్కగా జీవించింది. ఎస్సై పాత్రలో నందితా శ్వేత ఆద్యంతం సీరియస్ లుక్లో కనిపించింది. నటన పరంగా ఆమెకు పెద్దగా స్కోప్ లేదు. అజయ్ ఘోష్ - లక్ష్మణ్ మధ్య వచ్చే కామెడీ ట్రాక్ నవ్వులు పూయిస్తుంది. జమిందారుగా చైతన్య కృష్ణ పాత్రను మంచిగా డిజైన్ చేశారు. శ్రీతేజ్, శ్రవణ్ రెడ్డి, రవీంద్ర విజయ్ తదితరుల పాత్రలు పరిధి మేరకు ఉంటాయి.
డైరెక్షన్ ఎలా ఉందంటే?
దర్శకుడు అజయ్ ఈ సినిమాను మిస్టీక్ థ్రిల్లర్లా మెుదలుపెట్టి మధ్యలో హారర్ టచ్ ఇచ్చి ఆఖర్లో ఓ సందేశంతో ముగించారు. అక్రమ సంబంధాల వ్యవహారం, డబల్ మీనింగ్ డైలాగ్స్, ఫ్యామిలీ ఆడియన్స్కు ఎబ్బెట్టుగా అనిపించేలా ఉన్నాయి. ఈ విషయంలో అజయ్ కాస్త జాగ్రత్త పడాల్సింది. మరోవైపు ప్రథమార్థంలో కథే కనిపించకపోవడం, ద్వితియాతార్థంలో పాత్రలకు సరైన ముగింపు ఇవ్వకపోవడం అతడి డైరెక్షన్లో మైనస్లుగా కనిపిస్తున్నాయి. పతాక సన్నివేశాలు ఆసక్తికరంగా ఉన్నప్పటికీ డైరెక్టర్ సినిమాని ముగించిన తీరు ఆడియన్స్కు అసంతృప్తిగా అనిపిస్తుంది. ఓవరాల్గా అజయ్ రాసుకున్న కథ కుటుంబ ప్రేక్షకులకు రుచించకపోవచ్చు. కానీ థ్రిల్లింగ్ సినిమాలు ఇష్టపడేవారికి నచ్చుతుంది.
టెక్నికల్గా
టెక్నికల్గా ఈ సినిమా ఉన్నత స్థాయిలో కనిపిస్తుంది. అజనీష్ నేపథ్య సంగీతం సినిమాకి ఓ కొత్త లుక్ను తీసుకొచ్చింది. జాతర పాటను స్వరపరిచిన తీరు.. దాన్ని తెరపై చిత్రీకరించిన విధానం ఆకట్టుకుంటాయి. అలాగే శివేంద్ర ఛాయాగ్రహణం మరో ఆకర్షణగా నిలిచింది. నిర్మాణ విలువలు ఉన్నతంగా ఉన్నాయి.
ప్లస్ పాయింట్స్
పాయల్ నటన, గ్లామర్అజనీష్ సంగీతంట్విస్ట్లు
మైనస్ పాయింట్స్
నెమ్మదిగా సాగే కథనం ముగింపు
రేటింగ్ : 3/5
నవంబర్ 17 , 2023
This Week OTT Releases: ఈ వారం థియేటర్, ఓటీటీల్లో సందడి చేసే చిత్రాలు, వెబ్సిరీస్లు ఇవే!
గత వారంలాగే ఈ వారం కూడా పెద్ద సినిమాలు లేకపోవడంతో థియేటర్లను ఆక్రమించేందుకు చిన్న సినిమాలు సిద్ధమవుతున్నాయి. నవంబర్ మూడో వారంలో తెలుగు ప్రేక్షకులను అలరించేందుకు ఆసక్తికర సినిమాలు రాబోతున్నాయి. నవంబర్ 13 నుంచి 19 తేదీల మధ్య ఆ చిత్రాలు థియేటర్లలో సందడి చేయనున్నాయి. అలాగే ఓటీటీలో కొత్త సినిమాలు, వెబ్సిరీస్లు స్ట్రీమింగ్ కాబోతున్నాయి. మరి ఆ సినిమాలు ఏంటి? వాటి విశేషాల ఎలా ఉన్నాయి? ఈ కథనంలో చూద్దాం.
థియేటర్లో రిలీజయ్యే చిత్రాలు
మంగళవారం
‘RX 100’ డైరెక్టర్ అజయ్ భూపతి రూపొందించిన మరో ఆసక్తికర చిత్రం ‘మంగళవారం’ (Mangalavaaram). ఇందులో పాయల్ రాజ్పూత్ (Payal Rajput), అజ్మల్ అమిర్ ప్రధాన పాత్రలు పోషించారు. ముద్ర మీడియా వర్క్స్ పతాకంపై స్వాతిరెడ్డి గునుపాటి, సురేష్ వర్మ ఈ మూవీని నిర్మించారు. నవంబరు 17న (శుక్రవారం) తెలుగుతోపాటు తమిళం, కన్నడ, మలయాళం, హిందీ భాషల్లో ఈ సినిమా ప్రేక్షకుల ముందుకు రానుంది. ఇప్పటికే విడుదల చేసిన ప్రచార చిత్రాలు సినిమాపై ఆసక్తిని పెంచాయి.
మై నేమ్ ఈజ్ శృతి
ప్రముఖ హీరోయిన్ హన్సిక నటించిన లేటేస్ట్ మూవీ ‘మై నేమ్ ఈజ్ శృతి’ (My Name Is Shruthi) సినీ ప్రియులను థ్రిల్ చేసేందుకు ఈ వారమే వస్తోంది. ఆమె లీడ్ రోల్లో చేసిన ఈ చిత్రాన్ని డైరెక్టర్ శ్రీనివాస్ ఓంకార్ తెరకెక్కిస్తున్నారు. బురుగు రమ్య ప్రభాకర్ నిర్మిస్తున్నారు. ఊహకందని మలుపులతో సినిమా ఆద్యంతం ఉత్కంఠభరితంగా ఉంటుందని చిత్ర బృందం చెబుతోంది. తన మనోభావాలను ధైర్యంగా వెల్లడించే యువతిగా ఇందులో హన్సిక కనిపిస్తుందని పేర్కొన్నాయి. నవంబరు 17న (శుక్రవారం) ఈ సినిమా ప్రేక్షకుల ముందుకు రానుంది.
స్పార్క్ లైఫ్
విక్రాంత్ హీరోగా నటించి.. స్వయంగా తెరకెక్కించిన పాన్ ఇండియా చిత్రం ‘స్పార్క్ లైఫ్’ (Spark The Life). డెఫ్ ఫ్రాగ్ ప్రొడక్షన్స్ సంస్థ ఈ మూవీని నిర్మించింది. మెహరీన్, రుక్సర్ థిల్లాన్ కథానాయికలు. ఇప్పటికే చిత్రీకరణ పూర్తి చేసుకున్న ఈ సినిమా నవంబరు 17న థియేటర్లలో విడుదల కానుంది.
సప్త సాగరాలు దాటి సైడ్-B
కన్నడ నటుడు రక్షిత్ శెట్టి (Rakshit Shetty) కీలక పాత్రలో నటించిన ప్రేమకథా చిత్రం ‘సప్త సాగరాలు దాటి సైడ్-B’ (Sapta Sagaralu Dhaati Side B). రుక్మిణీ వసంత్ కథానాయిక. హేమంత్ ఎం. రావు దర్శకత్వం వహించారు. ఇటీవల ప్రేక్షకుల ముందుకు వచ్చిన (Sapta Sagaralu Dhaati Side A) సినిమాకు కొనసాగింపుగా కొత్త చిత్రాన్ని తీసుకొస్తున్నారు. నవంబర్ 17న కన్నడతోపాటు తెలుగు, తమిళ, మలయాళీ భాషల్లో ఇది ప్రేక్షకుల ముందుకు రానుంది.
అన్వేషి
విజయ్ ధరణ్ దాట్ల, సిమ్రాన్ గుప్తా, అనన్య నాగళ్ల ప్రధాన పాత్రల్లో తెరకెక్కుతున్న చిత్రం ‘అన్వేషి’ (Anvesh). వి.జె.ఖన్నా దర్శకత్వం వహించారు. టి.గణపతిరెడ్డి నిర్మాత. అడవి నేపథ్యంలో సాగే కథతో ఈ సినిమా తెరకెక్కిందని చిత్ర యూనిట్ తెలిపింది. కథానాయిక అనన్య నాగళ్ల కీలక పాత్ర పోషించిందని చెప్పింది. ఆమె చుట్టూ సాగే సన్నివేశాలు ఆకట్టుకుంటాయని, చైతన్ భరద్వాజ్ మరోసారి తన సంగీతంతో ఆకట్టుకుంటాడని చెబుతోంది. నవంబరు 17న ఈ సినిమా విడుదల కానుంది.
ఓటీటీలో స్ట్రీమింగ్కానున్న చిత్రాలు/వెబ్సిరీస్లు
TitleCategoryLanguagePlatformRelease DateTwin LoveWeb SeriesEnglishAmazon PrimeNov 17ApurvaMovieHindiDisney + HotstarNov 15Chinna MovieTamil/TeluguDisney + HotstarNov 17Kannur SquadMovieMalayalamDisney + HotstarNov 17How to Become a Mob BossWeb SeriesEnglishNetflixNov 14Best. Christmas. Ever!MovieEnglishNetflixNov 16The crownWeb SeriesEnglishNetflixNov 16Believer 2MovieEnglishNetflixNov 17The DadsDocumentaryEnglishNetflixNov 17SukheeMovieHindiNetflixNov 18The RailwaymenMovieHindiNetflixNov 18
APP: సినీ అభిమానులను అలరించేందుకు ఈ వారం కూడా పలు సినిమాలు ప్రేక్షకుల ముందుకు రాబోతున్నాయి. అక్టోబర్ 30 నుంచి నవంబర్ 5 తేదీల మధ్య థియేటర్లు, OTTలో విడుదలై సందడి చేయనున్నాయి. ఈ వారం థియేటర్లు, ఓటీటీలో రిలీజ్ అయ్యే చిత్రాలు ఏంటో తెలుసుకోవాలంటే YouSay Web లింక్పై క్లిక్ చేయండి.
నవంబర్ 13 , 2023

ది గ్రేటెస్ట్ ఆఫ్ ఆల్ టైమ్

హంట్

బడ్డీ

వ్యూహం

అమ్మ రాజ్యంలో కడప బిడ్డలు

అభినేత్రి 2

వెన్నెల్లో హై హై

రచ్చ
.jpeg)
రంగం
అజ్మల్ అమీర్ పెళ్లి ఎప్పుడు అయింది?
రెంజూ అజ్మల్తో అమీర్ అజ్మల్ వివాహం జరిగింది.
అజ్మల్ అమీర్ కు పిల్లలు ఎంత మంది?
అమీర్ అజ్మల్కు ఒక పాప, ఒక బాబు
అజ్మల్ అమీర్ ఫేమస్ అవ్వడానికి రీజన్ ఏంటి?
వ్యూహంచిత్రంలో ఏపీ మాజీ సీఎం వైఎస్ జగన్మోహన్ రెడ్డి క్యారెక్టర్లో నటించడం ద్వారా పాపులర్ అయ్యారు.
అజ్మల్ అమీర్ లీడ్ రోల్లో చేసిన తొలి తెలుగు చిత్రం ఏది?
రచ్చ సినిమా ద్వారా తెలుగులో తెరంగేట్రం చేశాడు.
తెలుగులో అజ్మల్ అమీర్ ఫస్ట్ హిట్ మూవీ ఏది?
వ్యూహం, మంగళవారం
అజ్మల్ అమీర్ కెరీర్లో అత్యత్తుమ పాత్ర ఏది?
వ్యూహంలో జగన్మోహన్ రెడ్డి పాత్ర ఆయనకు గుర్తింపు తెచ్చింది.
అజ్మల్ అమీర్ బెస్ట్ డైలాగ్స్ వీడియోలు ఏవి?
Ajmal Ameer best dialogues
అజ్మల్ అమీర్ రెమ్యూనరేషన్ ఎంత?
అజ్మల్ అమీర్.. ఒక్కో సినిమాకు రూ.2 కోట్ల వరకూ రెమ్యూనరేషన్ తీసుకుంటున్నారు.
అజ్మల్ అమీర్ కు ఇష్టమైన ఆహారం ఏంటి?
బిర్యాని
అజ్మల్ అమీర్ కు ఇష్టమైన నటుడు ఎవరు?
అజ్మల్ అమీర్ ఎన్ని భాషలు మాట్లాడగలరు?
తమిళం, తెలుగు, ఇంగ్లీషు
అజ్మల్ అమీర్ ఫేవరేట్ కలర్ ఏంటి?
వైట్
అజ్మల్ అమీర్ ఫేవరేట్ క్రీడ ఏది?
క్రికెట్
అజ్మల్ అమీర్ ఫేవరేట్ క్రికెట్ ప్లేయర్లు ఎవరు?
విరాట్ కోహ్లీ
అజ్మల్ అమీర్ కు ఇష్టమైన పర్యాటక ప్రాంతాలు ఏవి?
లండన్
అజ్మల్ అమీర్ వద్ద ఉన్న లగ్జరీ కార్లు ఏవి?
మెర్సిడెస్ బెంజ్
అజ్మల్ అమీర్ ఇన్స్టాగ్రామ్ ఖాతాలో ఫాలోవర్ల సంఖ్య?
207K ఫాలోవర్లు ఉన్నారు.
అజ్మల్ అమీర్ సోషల్ మీడియా లింక్స్
అజ్మల్ అమీర్ కి ఎన్ని అవార్డులు వచ్చాయి?
ఫిల్మ్ఫేర్ - 2009
ఉత్తమ సహాయ నటుడు- అంజాతే చిత్రం
సైమా - 2012
ఉత్తమ ప్రతినాయకుడు అవార్డు- 'కో' చిత్రం
అజ్మల్ అమీర్ కు ఏదైనా రాజకీయ పార్టీతో సంబంధాలు ఉన్నాయా?
అజ్మల్ అమీర్కు పొలిటికల్గా ఏ పార్టీతో సంబంధం లేదు.
అజ్మల్ అమీర్ వ్యక్తిగత వివరాలు, ఎత్తు, పుట్టిన ప్రదేశం, బర్త్ డేట్, వయస్సు, సాధించిన విజయాలు, అవార్డులు, వ్యాపారాలు, ఇష్టాఇష్టాలు, అభిరుచులు తెలుసుకోండి. అలాగే అజ్మల్ అమీర్ కుటుంబ నేపథ్యం, తల్లిదండ్రులు, తోబుట్టువులు, రిలేషన్స్, విద్యా నేపథ్యం, కెరీర్ మైలురాళ్లు, తాజా ప్రాజెక్ట్లు, అధికారిక సోషల్ మీడియా అకౌంట్స్, లేటెస్ట్ చిత్రాలను ఒక్క క్లిక్తో ఇక్కడ తెలుసుకోండి.