అలియా భట్
ఆలియా భట్ ప్రముఖ భారతీయ సినీ నటి. ఆమె ప్రధానంగా హిందీ సినిమాల్లో నటిస్తోంది. RRR చిత్రం ద్వారా తెలుగు తెరకు పరిచయమైంది. హిందీలో.. ‘స్టూడెంట్ ఆఫ్ ది ఇయర్’ చిత్రం ఆమె కెరీర్లో హీరోయిన్గా చేసిన తొలి చిత్రం. ఆమె నటనకు చాలా ప్రసిద్ధి చెందింది. హైవే (2014)లో తన పాత్రకు ఉత్తమ నటిగా ఫిల్మ్ఫేర్ క్రిటిక్స్ అవార్డును గెలుచుకుంది. ఉడ్తా పంజాబ్ (2016), రాజీ (2018), గల్లీ బాయ్ (2019), గంగూబాయి కతియావాడి (2022)లో ఆమె తన పాత్రలకు ఉత్తమ నటిగా ఫిల్మ్ఫేర్ అవార్డును అందుకుంది. అలాగే గంగూబాయి కతియావాడి చిత్రంలో ఆమె నటనకుగాను ఉత్తమ నటిగా జాతీయ చలనచిత్ర అవార్డు అందుకుంది. 2024లో టైమ్స్ ప్రకటించిన మోస్ట్ ఇన్ఫ్యూయేన్సియల్ పర్సన్స్ జాబితాలో ఆమె చోటు దక్కించుకుంది.