అనిత ఒకప్పటి స్టార్‌ హీరోయిన్‌. తెలుగు, హిందీ, తమిళం, కన్నడ భాషల్లో చిత్రాలు చేసింది. ఏప్రిల్ 14, 1981న ముంబయిలో జన్మించింది. 2001లో తేజ దర్శకత్వంలో వచ్చిన 'నువ్వు నేను' సినిమా ద్వారా తెలుగు పరిశ్రమకు పరిచయమైంది. ఆ తర్వాత 'నిన్నే ఇష్టపడ్డాను', 'శ్రీరామ్‌', 'తొట్టిగ్యాంగ్‌' వంటి హిట్‌ చిత్రాల్లో నటించి గుర్తింపు సంపాదించుకుంది. 2003లో 'కుచ్ తో హై' ద్వారా హిందీ సినిమా రంగంలోకి ప్రవేశించింది. బాలీవుడ్‌తో పాటు పలు దక్షిణాది భాషల్లో 34 చిత్రాలు చేసింది. హిందీలో సీరియల్స్‌తో పాటు పలు రియాలిటీ షోస్‌లో పాల్గొంటూ ఆకట్టుకుంటోంది.