తెలుగు ప్రేక్షకుల హృదయాల్లో అభినవ సీతగా పేరొందిన అంజలీ దేవి అసలు పేరు అంజనీ కుమారి. తెలుగులో లెజెండరీ తారల్లో ఆమె ఒకరు. 1936లో రాజా హరిశ్చంద్రలో అంజలీదేవి చిన్న పాత్రతో పరిచయమైంది. ఆ తరువాత కష్టజీవిలో హీరోయిన్‌గా నటించింది. లవకుశలో NTR సరసన నటించిన సీత పాత్ర మంచి పేరు తెచ్చిపెట్టింది. ఆ పాత్ర అప్పటి గ్రామీణ మహిళలను బాగా ప్రభావితం చేసింది. సువర్ణసుందరి, అనార్కలి, కీలుగుర్రం, చెంచు లక్ష్మి, శ్రీలక్ష్మమ్మ కథ, భక్తప్రహ్లాద, బడిపంతులు, పల్లెటూరి పిల్ల, జయభేరి, భీష్మ , భక్త తుకారాం వంటి చిత్రాల్లో నటన ద్వారా తెలుగు ప్రేక్షకుల హృదయాల్లో చిరస్మరణీయమైంది.