బాలాదిత్య తెలుగు సినిమా నటుడు, టివి వ్యాఖ్యాత, డబ్బింగ్ ఆర్టిస్ట్. బాల నటుడిగా పలు సుమారు 40 సినిమాల్లో నటించాడు. తరువాత 10కి పైగా సినిమాల్లో హీరోగా నటించాడు. ఇతని అన్న కౌశిక్ కూడా బాల నటుడిగా కెరీర్ ప్రారంభించి పలు టి. వి. కార్యక్రమాల్లో, కొన్ని సినిమాల్లో నటించాడు. బాలనటుడిగా 1994 లో వచ్చిన అన్న, 1996లో వచ్చిన లిటిల్ సోల్జర్స్ సినిమాకు నంది పురస్కారం అందుకున్నాడు. జాతీయ పురస్కారాన్ని అందుకున్న '1940లో ఒక గ్రామం' అనే సినిమాలో బాలాదిత్య కీలక పాత్ర పోషించాడు.2022లో బిగ్ బాస్ తెలుగు 6లో కంటెస్టెంట్‌గా పాల్గొన్నాడు.