భానుచందర్ దక్షిణాదికి చెందిన దిగ్గజ నటుడు. 1952 జూలై 2న చెన్నైలో జన్మించారు. సంగీత దర్శకుడు మాస్టర్‌ వేణు ఈయనకు తండ్రి. చిన్నతనంలో తండ్రిలాగానే తానూ సంగీత దర్శకుడ్ని కావాలనుకున్నారు. తల్లి కోరిక మేరకు నటుడిగా మారారు. మా ఊరి పాండవులు (1978) సినిమాతో తెలుగు తెరకు పరిచయమయ్యారు. 'నిరీక్షణ' (1986) చిత్రంతో పాపులర్‌ అయ్యారు. ‘ఉద్యమం’, ‘సింహాద్రి’, ‘దేవి’, ‘మనసారా’, ‘దుబాయ్‌ శీను’ వంటి చిత్రాలతో మరింత గుర్తింపు పొందారు. తెలుగులో 75 పైగా చిత్రాల్లో భానుచందర్‌ నటించారు. అలాగే తమిళంలో 26, కన్నడలో 4 చిత్రాలు చేశారు. అటు టెలివిజన్‌లో 7 సీరియల్స్‌ చేశారు.