జయప్రకాశ్ రెడ్డి టాలీవుడ్‌కు చెందిన ప్రముఖ నటుడు. 1946 మే 8న కర్నూలు జిల్లా శిరివెళ్ళ మండలంలో జన్మించారు. కెరీర్‌ ప్రారంభంలో పలు నాటకాలు వేసి దర్శకత్వం వహించారు. 1988లో విడుదలైన ‘బ్రహ్మపుత్రుడు’ చిత్రంతో తెలుగు సినీరంగానికి పరిచయమయ్యారు. 1997లో వచ్చిన 'ప్రేమించుకుందాం రా' సినిమాలో విలన్‌గా నటించి ఒక్కసారిగా పాపులర్ అయ్యారు. ఆ తర్వాత సమరసింహారెడ్డి, జయం మనదేరా, చెన్నకేశవరెడ్డి, కిక్, ఎవడి గోల వాడిది, ఢీ చిత్రాలతో మరింత గుర్తింపు సంపాదించారు. విలన్‌గా, క్యారెక్టర్‌ ఆర్టిస్టుగా, హాస్య నటుడిగా దాదాపు 300 సినిమాల్లో జయప్రకాశ్‌ నటించారు. 2020 సెప్టెంబర్‌ 8న గుంటూరులోని తన నివాసంలో గుండెపోటుతో మరణించారు.