మల్లికార్జునరావు టాలీవుడ్‌కు చెందిన ప్రముఖ హాస్యనటుడు. 1950 అక్టోబర్‌ 10న ఏపీలోని అనకాపల్లిలో జన్మించారు. ఆయన అసలు పేరు పీలా కాశీ మల్లికార్జునరావు. కెరీర్‌ ప్రారంభంలో నాటకాలు వేశారు. అనకాపల్లిలోనే ఎ.ఎమ్‌.వి.ఎమ్‌. ఆసుపత్రిలో కొన్నాళ్లు ఉద్యోగం కూడా చేశారు. దివంగత నటులు రావు గోపాలరావు సహకారంతో చిత్రసీమలోకి ప్రవేశించారు. ‘కిరాయి రౌడీలు’ (1981) సినిమాతో తెలుగు తెరకు పరిచమయ్యారు. అలా 230 పైగా చిత్రాల్లో హాస్య పాత్రలు పోషించి పాపులర్‌ అయ్యారు. బ్లడ్‌ క్యాన్సర్‌తో బాధపడుతూ 2008 జూన్ 24న 57ఏళ్ల వయసులో కన్నుమూశారు.